3 Mose 17:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Gblɔ na wo bena: Ne Israel ƒe aƒemetɔa ɖe alo amedzrovi, si le wo dome la, wu numevɔsalã alo akpedavɔsalã,

Agbenya La

⁸ “Gblɔ na wo be, ‘Israelvi aɖe alo amedzro aɖe si le mia dome, ame si asa numevɔ alo vɔsa bubu aɖe,

3 Mose 17:8 Referans Kwoze

Malaki 1:11

Elabena nye ŋkɔ lolo le dukɔwo dome tso ɣedzeƒe va-seɖe ɣetoɖoƒe, eye woado dzudzɔ ahasa vɔ dzadzɛ na nye ŋkɔ le teƒewo katã; elabena nye ŋkɔ lolo, le dukɔwo dome, Yehowa Zebaot ye gblɔe.

2 Samuel 24:25

Tete Dawid ɖi vɔsamlekpui na Yehowa ɖe afima, eye wosa numevɔ kple akpedavɔ. Eye Yehowa se gbe, si wòdo ɖa ɖe anyigba la ta, eye dɔvɔ̃ la nu tso le Israel.

1 Samuel 16:2

Samuel do ŋu bena: Aleke mawɔ ate ŋui? Ne Saul see la, awum. Yehowa gblɔ bena: Kplɔ nyivi ɖeka ɖe asi, eye nagblɔ be: Vɔ sa ge meva na Yehowa.

1 Samuel 10:8

Dze ŋgɔnye yi Gilgal, eye kpɔ ɖa, megbɔna gbɔwo, be masa numevɔ kple akpedavɔ. Lala ŋkeke adre, vaseɖe esime mava gbɔwò, eye magblɔ nusi na wo la na wò!

1 Samuel 7:9

Eye Samuel lé alẽvi, si gale no nom, hesa numevɔe, eye wòtɔ dzoe blibo na Yehowa; eye Samuel ɖe kuku na Yehowa ɖe Israel ta, eye Yehowa ɖo toe.

Ɖelawo 6:26

Emegbe naɖi vɔsamlekpui na Yehowa, wò Mawu la, ɖe agakpe sia tame, tsɔ nyitsu evelia sa numevɔe, eye natsɔ Asera, si nèlã la, awɔ nakee.

3 Mose 17:10

Ne Israel ƒe aƒemetɔa ɖe alo amedzrovi, si le wo dome, ɖu lãʋua ɖe la, maɖe ŋku atɔ amesi ɖu ʋua la, eye matsrɔ̃e ɖa le eƒe dukɔ la dome.

3 Mose 17:4

eye metsɔe va Mawu ƒe agbadɔ la nu, bena wòasa vɔ na Yehowa le Yehowa ƒe nɔƒe la nu o la, ekema ame la do hlɔ̃; ekɔ ʋu ɖi, eye woatsrɔ̃ ame la ɖa le eƒe dukɔ la dome.

3 Mose 3:7

Nenye alẽvi wotsɔ be, yeasa vɔ lae la, ekema wòakplɔe ava Yehowa ŋku me,

3 Mose 17:7

Womegatsɔ woƒe lãwo sa vɔ na azizã, siwo wosubɔna la o. Ɖoɖo mavɔ wòanye na wo kple woƒe dzidzimeviwo.

3 Mose 17:9

eye mietsɔe va Mawu ƒe agbadɔ la nu, bena wòasa vɔ na Yehowa o la, woatsrɔ̃ ame la ɖa le eƒe dukɔ me viwo dome.

Yosua 22:11

Eye Israel-viwo se bena, Ruben-viwo, Gad-viwo kple Manase ƒe to afã la ɖi vɔsamlekpui ɖe Yordan-nuto me dze ŋgɔ Kanaan-nyigba le Israel-viwo ƒe go keme dzi.

Yosua 22:15

Esi wova Ruben-viwo, Gad-viwo kple Manase-to afã la gbɔ le Gilead-nyigba dzi la, wogblɔ na wo bena:

Yosua 22:16

Ale Yehowa ƒe ha blibo la gblɔ esi: Nukaŋuti mieda vo ɖe Israel ƒe Mawu la ŋu, mietrɔ le Yehowa yome egbe, eye mieɖi vɔsamlekpui na mia ɖokui hedze aglã ɖe Yehowa ŋu egbe?