3 Mose 11:13 - Biblia alo Ŋɔŋlɔ Kɔkɔe La Le Eʋegbe Me 1913

¹³ Xe, siwo mianyɔ ŋui, eye miaɖu o la wonye, hɔ̃, akpo, gbagblaxetsu,

Agbenya La

¹³ “ ‘Xe siawo nanyɔ ŋu na mi, eye miaɖu wo o, elabena wonye ŋunyɔnuwo: hɔ̃, akaga, akpo,

3 Mose 11:13 Referans Kwoze

Tito 3:3

Elabena tsã la miawo hã míenye ame manyanuwo, tosẽlawo, mɔtrelawo, nu dzodzro kple dzidzɔkpɔkpɔ bubu ƒomevi geɖewo ƒe subɔlawo, vɔ̃ɖiwɔwɔ kple ŋuʋaʋã me nɔlawo, ame nyɔŋuwo kple amesiwo léa fu wo nɔewo.

Mateo 24:28

Afisi ke nu kuku le la, afima hawo ƒoa ƒu ɖo.

Habakuk 1:8

Eƒe sɔ wo ɖi ɖu wu lãkle, eye woƒe afɔ, wo tsɔ wu famegãxi le zã me, eƒe sɔdolawo le zi nyẽm, didiƒe ke eƒe sɔdolawo tso, eye wole dzodzom abe hɔ̃, si le abla ɖem ɖe nuɖuɖu ŋu la ene.

Hosea 8:1

Tsɔ kpẽ ɖo nu! Egbɔna Yehowa ƒe aƒe la dzi abe hɔ̃ ene! Elabena wotu nye nubabla la, eye wosẽ to de nye seawo ŋu.

Konyifahawo 4:19

Mía yometilawo ɖi du wu hɔ̃ le dziƒo ŋu; woyɔ mi ɖe nu le towo dzi, eye woɖe xa ɖe gbe dzi na mi.

Yeremia 48:40

Elabena ale Yehowa gblɔ esi: Futɔ la adzo abe hɔ̃ ene, eye wòake aʋala ɖe Moab dzi!

Yeremia 4:22

Elabena nye dukɔ dzɔ lã, womedze sim o; vi tsibomewo wonye, eye Womenya nu o; nunyalawo wonye le vɔ̃ɖiwɔwɔ me, ke nyuiwɔwɔ la, womedzea si eya o.

Yeremia 4:13

Kpɔ ɖa, eho gbɔna abe alilikpo ene, eƒe tasiaɖamwo le abe ahom ene, eye eƒe sɔwo ɖia ɖu wu hɔ̃; baba na mí, elabena míetsrɔ̃.

Hiob ƒe Agbalẽ 38:41

Ameka ɖaa nuɖuɖu na akpaviã, ne viawo le ɣli dom na Mawu, eye wole tsa glãla tsam nuɖuɖu makpɔmakpɔe?

Hiob ƒe Agbalẽ 28:7

woawo nye mɔ, si hɔ̃ medze sii, eye aʋako ƒe ŋku mekpe kpɔ o;

3 Mose 11:11

Ŋunyɔnu woanye na mi, migaɖu woƒe lã o, eye woƒe kukua nanyɔ ŋu na mi.

3 Mose 11:14

aʋako kple ayisu ƒomeviwo katã,

Zekaria 5:9

Eye esi mefɔ kɔ dzi la, mekpɔ nyɔnu eve wodo va, eye ya ɖo aʋala me na wo, woto aʋala abe ɖamixe ƒe aʋala ene, eye woka nuɖotree la ɖe dziƒo kple anyigba domee.