2 Samuel 21:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Ke fia la ve Mefiboset, Saul vi Yonatan ƒe viŋutsu la nu le Yehowa ƒe atam, si le Dawid kple Yonatan, Saul vi dome la ta.

Agbenya La

⁷ Ena Yonatan ƒe viŋutsu Mefiboset, ame si nye Saul ƒe tɔgbuiyɔvi la tsi agbe le atam si eya kple Yonatan ka na wo nɔewo la ta.

2 Samuel 21:7 Referans Kwoze

2 Samuel 4:4

Eye ŋutsuvia ɖe le Saul vi Yonatan si, amesi ƒe ata tu. Exɔ ƒe atɔ̃, esime du tso Yezreel va le Saul kple Yonatan ŋuti; tete enyila tsɔe kpa hesii, eye esi wòle kplakplakpla dzi le sisim la, ege, eye wòtu; eŋkɔ nye Mefiboset.

1 Samuel 23:18

Eye woa kple eve la wobla nu le Yehowa ŋku me; Dawid tsi ave la me, ke Yonatan yi aƒe.

1 Samuel 20:15

Eye ne Yehowa tsrɔ̃ Dawid ƒe futɔwo dome ɖesiade ɖa le anyigba dzi la, megana wò lɔlɔ̃ la nu natsɔ le aƒenye me o tegbee!

1 Samuel 18:3

Eye Yonatan kple Dawid wòbia nu, elabena elɔ̃e abe eya ŋutɔ ɖokui ene.

2 Samuel 9:10

Eye mia kple viwòŋutsuwo kple wò dɔlawo miade agble, eye míaŋe nu nɛ, ne wò aƒetɔ ƒe vi nakpɔ nu aɖu; ke wò aƒetɔ ƒe vi Mefiboset aɖu nu le nye agba nu ɖaa. Eye ŋutsuvi wuiatɔ̃ kple dɔla blave le Ziba si.

1 Samuel 20:8

Eyata ve wò dɔla nu, elabena mía kple wò dɔla míeɖo Yehowa ƒe nubabla me. Ne meda vo la, ekema wum, nukaŋuti nakplɔm ayi fofowò gbɔe?

1 Samuel 20:42

Eye Yonatan gblɔ na Dawid bena: Yi le ŋutifafa me; nusi dzi mía ame eve míeka atam ɖo le Yehowa ƒe ŋkɔ dzi bena, Yehowa nanɔ mía kple wò, nye dzidzimeviwo kple wò dzidzimeviwo dome la, nanɔ anyi tegbee!

1 Samuel 20:17

Eye Yonatan gaka atam na Dawid de dɔla, si wotsɔ lɔ̃e la dzi; elabena elɔ̃e abe eya ŋutɔ dokui ene.

2 Samuel 19:25

Eye Saul vi Mefiboset va kpe fia la; ke meɖo eƒe afɔ kple ge ɖo o, eye menya eƒe avɔ o tso gbesigbe fia la dzo, vaseɖe gbesigbe wògbɔ le ŋutifafa me.

2 Samuel 16:4

Tete fia la gblɔ na Ziba bena: Kpɔ ɖa, Mefiboset ƒe nuwo katã nye tɔwò! Eye Ziba gblɔ be: Mede ta agu na wò! Ne nye aƒetɔ nya ve nunye ko!

2 Samuel 9:7

Dawid gblɔ nɛ bena: Megavɔ̃ o, elabena mave nuwò le fofowò Yonatan ta: magagbugbɔ fofowò Saul ƒe agblewo katã na wò, eye naɖu nu le nye agba nu ɖaa.

1 Samuel 20:12

Eye Yonatan gblɔ na Dawid bena: Yehowa, Israel ƒe Mawu! Ne medi nya le fofonye nu nyitsɔ wɔale siawo, eye kpɔ ɖa, eƒe dome kɔ ɖe Dawid ŋu, eye nyemedɔ wova gblɔe ɖe to me na wò o la,

2 Samuel 9:1

Eye Dawid bia bena: Ɖe amea ɖeke mekpɔtɔ ɖe Saul ƒe me, ne mave enu le Yonatan ta oa?

Nyagblɔla 8:2

Mebe: Dzra fia ƒe sedede ɖo le Mawu ƒe atam la te.

1 Samuel 24:22

Eyata ta Yehowa nam be, matsrɔ̃ megbenye viwo o, eye màtsrɔ̃ nye ŋkɔ ɖa le fofonye ƒe me o!

2 Samuel 9:6

Eye esi Saul vi Yonatan ƒe vi Mefiboset va Dawid gbɔ la, etsyɔ mo anyi, eye wobɔbɔ. Tete Dawid gblɔ bena: Mefiboset! Etɔ bena: Wò dɔla enye si.