2 Samuel 2:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Tete Dawid ɖɔ amewo ɖo ɖe Yabes-Gileadtɔwo gblɔ na wo bena: Yehowa ayra mi, elabena mieve miaƒe aƒetɔ Saul nu, eye mieɖii!

Agbenya La

⁵ eɖo du ɖe wo be, “Yehowa nayra mi le ale si miewɔ nuteƒe na miaƒe aƒetɔ eye mieɖii kple bubu la ta.

2 Samuel 2:5 Referans Kwoze

1 Samuel 23:21

Saul gblɔ bena: Yehowa ayra mi, elabena mieve nunye!

Psalmowo 115:15

Yehowa, dzikple anyigbawɔla, ƒe ame yayrawo mienye.

1 Samuel 24:19

Ede nyui, si nèwɔ nam la, fia egbe be, esi Yehowa tsɔm de asi na wò la, mèwum o.

Rut ƒe agbalẽ 2:20

Tete Naomi gblɔ na lɔ̃xoa bena: Yehowa, si mete eƒe amenuveve agbagbeawo kple kukuawo o la, ayrae! Eye Naomi gblɔ nɛ bena: Ŋutsu la míaƒe ƒometɔe, eye mía srɔ̃ɖia wònye.

Rut ƒe agbalẽ 3:10

Eye wògblɔ bena: Yehowa ayra wò, vinye! Eɖe wò lɔlɔ̃ fia fifia wu tsã; elabena mèdze ɖekakpuiwo, ame dahe alo hotɔwo yome o.

Rut ƒe agbalẽ 1:8

Tete Naomi gblɔ na lɔ̃xoa eveawo bena: Mitrɔ, eye mia dome amesiame negbugbɔ yi dadaa ƒe me! Yehowa ave mia nu, abe alesi mieve mía kple ame kukuawo nui ene!

Ɖelawo 21:8

Eye wòbia bena: Ameka le Israel-toawo dome, si meva Yehowa gbɔ le Mizpa o? Eye kpɔ ɖa, Yabes-Gileadtɔa ɖeke meva takpeƒe la le asaɖa me o.

1 Samuel 15:13

Esi Samuel va Saul gbɔ la, Saul gblɔ nɛ bena: Yehowa ayra wò! Mewo Yehowa ƒe gbe dzi.

1 Mose 14:19

Eye wòyrae gblɔ bena Mawu dziƒoʋitɔ, si wɔ dziƒo kple anyigba, nayra Abram!

1 Mose 14:22

Ke Abram gblɔ na Sodom-fia bena. Meta Yehowa, Mawu dziƒoʋitɔ, si wɔ dziƒo kple anyigba la

Yosua 2:14

Tete ŋutsuawo gblɔ nɛ bena: Ne miegblɔ nya sia wose o, eye Yehowa tsɔ anyigba la na mí, gake míeve nuwo o, eye míeɖi anukware na wò o la, ekema míaku ɖe mia teƒe!

1 Samuel 11:1

Emegbe Amonitɔ Nahas ho va de to de Yabes-Gilead. Tete Yabes-ŋutsuwo katã gblɔ na Nahas bena: Bia nu kpli mí, ekema miasubɔ wò!

1 Samuel 11:9

Azɔ wògblɔ na ame dɔdɔ, siwo va la bena: Miyi ɖagblɔ na Yabes-Gileadtɔwo bena: Etsɔ ŋdɔ la woaxɔ na mi! Eye esi ame dɔdɔwo va gblɔe na Yabestɔwo la, dzi dzɔ wo.

2 Samuel 15:20

Etsɔ nèva, eye egbe ko mana nana tsaglalã tsam kpli mia? Nye la meyina, afisi menya kpɔ ko; mia kple nɔviwòwo migbubɔ, eye amenuveve kple nyateƒe anɔ kpli wò!

2 Samuel 21:12

Dawid yi ɖaxɔ Saul kple via Yonatan ƒe ƒuwo, siwo Yabes-Gileadtɔwo yi ɖafi le Bet-San ƒe ablɔ me, afisi Filistitɔwo tsɔ wo va ku ɖo, le gbesigbe Filistitɔwo wu Saul le Gilboa la, le wo si.