2 Samuel 16:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Ɖewohĩ Yehowa akpɔ nye hiã la nam, eye Yehowa atsɔ nyui aɖo ɖiŋu, si wòɖo nam egbe la teƒe.

Agbenya La

¹² Alo ɖewohĩ Yehowa akpɔe be edo ɖiŋu nam dzodzro eye wòayram le eƒe fiƒodewo ta.”

2 Samuel 16:12 Referans Kwoze

Hebritɔwo 12:10

Woamawo he to na mí ŋkeke ʋeea ɖewo ko, le alesi wobu be, enyo la nu, ke eya la hea to na mí le miaƒe nyonyo ta, bene míakpɔ gome le eƒe kɔkɔenyenye me.

5 Mose 23:5

elabena wometsɔ abolo kple tsi va kpe mi le mɔ dzi, esime mieʋu tso Egipte la o, eye woda Bileam, Beor vi, tso Petor le Mesopotamia ɖe mia ŋu, be wòaƒo fi ade mi.

Romatɔwo 8:28

Ke mienyae bena, amesiwo lɔ̃a Mawu la, nuawo katã tim hea nyuie vɛ na wo, amesiwo woyɔ le tameɖoɖoɖi la nu.

Psalmowo 25:18

Kpɔ nye nuxaxa kple nye hiã ɖa, eye natsɔ nye nuvɔ̃wo katã kem!

2 Tesalonikatɔwo 1:7

eye mi amesiwo kpo xaxa la, ana gbɔɖeme mi kpakple mí katã siaa le Aƒetɔ Yesu Kristo kple eƒe ŋusẽ ƒe dɔlawo ƒe ɖeɖefia tso dziƒo la me

1 Samuel 1:11

Eye wòɖe adzɔgbe gblɔ bena: Yehowa Zebaot, ne ekpɔ wò dɔlanyɔnu ƒe hiã ɖa, eye nèɖo ŋku wò dɔlanyɔnu dzi, mèŋlɔe be o, eye nena ŋutsuvi wò dɔlanyɔnu la, ekema matsɔe na Yehowa le eƒe agbe me ŋkekewo katã me, eye talũhɛ made ta ŋu nɛ o!

2 Korintotɔwo 4:17

Elabena míaƒe aɖabaƒoƒo ɖeka me xaxa, si nu mesena o la, woa ŋutikɔkɔe mavɔ, si nu sẽna ŋutɔ, eye wòƒoa nusianu ta sãsãsã la, na mí,

Yesaya 27:7

Ɖe wòƒo Israel, abe alesi wòƒo eƒolawo enea? Alo ɖe wòwui, abe alesi wowu ewulawo enea?

2 Samuel 16:13

Eye Dawid kple eƒe amewo lé mɔ, ke Simei zɔ to la xa le ekasa, eye wòle ɖiŋu dom le yiyim, eye wòtɔ kpe le edam hele ke hlẽm ɖe ya me.

2 Fiawo 19:4

Ɖewohi Yehowa, wò Mawu, se Rabsake, amesi eƒe aƒetɔ Asur-fia dɔ ɖo ɖa, be wòaɖe alɔme le Mawu gbagbe la ŋu la ƒe nyawo katã, eye woahe to nɛ le nya, siwo Yehowa, wò Mawu, se la ta; eyata ɖo gbe ɖa ɖe ame susɔe, siwo li la ta!

Psalmowo 109:28

Woaƒo fi ade faa, ke wò la, ayra tsã; ne wotso ɖe ŋunye hã, woaɖu ŋukpe; ke wò dɔla ya akpɔ dzidzɔ.

Psalmowo 132:1

Mɔzɔha. Yehowa, ɖo ŋu Dawid ƒe dagbadagbawo katã;

Lododowo 25:22

elabena dzoka ƒom nèle ƒu ɖe eƒe ta me, eye Yehowa aɖo eteƒe na wò.

Lododowo 26:2

Alesi atsutsure dzena, eye sagbadre saa agbae la, nenema nye tiƒoƒo de ame naneke mawɔmawɔ.

5 Mose 23:6

Ke Yehowa, wò Mawu, meɖo to Bileam o, eye Yehowa, wò Mawu, na fiƒode la trɔ zu yayra na wò, le esi Yehowa, wò Mawu, lɔ wò ta.

Psalmowo 10:14

Ekpɔe, elabena wò ŋku le hiã kple nuxaxa ŋu, esiwò me wole; hiãtɔwo tsɔe de esi na wò; xɔnametɔ nènye ne tsyɔ̃eviwo.

Yoel 2:14

Amea ɖe menya nu o, avee, eye wòatrɔ adzo ahagblẽ yayra ɖe megbe, ne woatsɔ asa nuɖuvɔ kple nunovɔ na Yehowa, mia Mawu la.