2 Mose 36:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Ale Bezaleel kple Oholiab kpakple ŋutsu, siwo ƒe tagbɔ aɖaŋu le, amesiwo me Yehowa de nunya kple gɔmesesee, bena woate ŋu anya, alesi woawɔ kɔkɔeƒe la ŋu dɔwo katã la, nawɔ nusiwo katã Yehowa gblɔ la.

Agbenya La

¹ Dɔwɔla siwo si aɖaŋu kple ŋutete tɔxɛwo le la nakpe ɖe Bezalel kple Oholiab ŋu le agbadɔ la tutu kple eŋunuwo wɔwɔ me abe ale si Yehowa gblɔe ene.”

2 Mose 36:1 Referans Kwoze

2 Mose 28:3

Eye gblɔ na amesiwo katã mede nunya tagbɔ na, eye wònya adaŋu la bena, woatɔ Aron ƒe awuawo, ne woaɖoe nunɔla, be wòasubɔm.

2 Mose 39:1

Eye wotsɔ aɖabɛ blɔtɔ kple dzĩtɔ ƒe ka kple ka dzẽ lɔ atsyɔ̃ɖowuawo, bena woatsɔ awɔ subɔsubɔdɔe le kɔkɔeƒe la, eye wolã awu kɔkɔewo na Aron, abe alesi Yehowa ɖe se na Mose ene.

2 Mose 25:8

Eye woawɔ nɔƒe kɔkɔe nam, bena manɔ wo dome.

Luka 1:6

Eye woa kple eve la katã wonye ame dzɔdzɔewo le Mawu ƒe ŋku me, eye wozɔna le Aƒetɔ la ƒe seawo kple eƒe ɖoɖoa wo katã nu mo makamakae.

Mateo 28:20

miaha wo bena, woawɔ nusiwo katã meɖo na mi la; eye kpɔ ɖa, nye la meli kpli mi ŋkekeawo katã vaseɖe xexeame ƒe nuwuwu.

Hebritɔwo 8:2

amesi nye kɔkɔeƒe kple agbadɔ vavã, si Mawu ŋutɔ tu, eye menye amee tui o la, ƒe subɔla.

Psalmowo 119:6

Ekema ŋu makpem o, nenye be, meɖe ŋku ɖe wò seawo katã.

4 Mose 7:9

Ke metsɔ ɖeke na Kehai viwo o, elabena woƒe dɔe nye be, woatsɔ nu kɔkɔeawo ɖe abɔta.

2 Mose 36:2

Eye Mose yɔ Bezaleel kple Oholiab kpakple aɖaŋutɔ, siwo katã ƒe tagbɔ Yehowa de nunyae, amesiwo katã woƒe dzi dɔ, bena woava awɔ dɔ la.

1 Fiawo 7:14

Enye ahosia ɖe, si tso Naftali-toa me la ƒe yi, eye fofoa nye akɔblinutula tso Tiro; aɖaŋu, nugɔmesese kple nunya geɖe le tagba nɛ, eye wònya akɔbliɖaŋu vovovowo wɔwɔ; eye wòva fia Salomo gbɔ hewɔ dɔ blibo la nɛ.

1 Kronika 28:21

Kpɔ ɖa, nunɔlawo kple Lewi-viwo ƒe hawo nye esi ɖe Mawu ƒe aƒe la ƒe subɔsubɔdɔwo katã ŋu, eye aɖaŋuwɔla, siwo lɔ̃ le wo ɖokui si hena do vovovowo wɔwɔ kple amegãwo kpakple du ko blibo la, le asiwò me.

2 Mose 12:28

Eye Israel-viwo wɔ, abe alesi Yehowa de se na Mose kple Aron ene; nenema wowɔ.

2 Mose 31:11

ami sisi la kple atike ʋeʋẽe, siwo nye dzudzɔdonuwo hena kɔkɔeƒe la. Woawoe tututu, abe alesi mede se na wò ene.

2 Mose 38:23

Eye Oholiab, Axisamak viŋutsu tso Dan-to la me kpe ɖe eŋu, amesi nye aɖaŋunuwo kpala, eye wotsɔ aɖabɛ blɔtɔ kple dzĩtɔ ƒe ka, ka dzẽ kple ɖeti ɣi lɔ aɖaŋuvɔ ƒomevi vovovowo.

1 Kronika 2:20

Xur dzi Uri, eye Uri dzi Bezaleel.