2 Mose 32:26 - Biblia alo Ŋɔŋlɔ Kɔkɔe La Le Eʋegbe Me 1913

²⁶ Mose tsi tre ɖe asaɖa la ƒe agbo nu gblɔ bena: Amesi ke le Yehowa dzi, neva gbɔnye afi! Tete Lewi-viwo katã ƒo ƒu va egbɔ.

Agbenya La

²⁶ etsi tsitre ɖe asaɖa la ƒe mɔnu, eye wòdo ɣli be, “Mi ame siwo katã le Yehowa dzi la, miva afi sia miawɔ ɖeka kplim.” Tete Levitɔwo katã do go va egbɔ.

2 Mose 32:26 Referans Kwoze

Mateo 12:30

Amesi ke mele kplim o la, eya to vo ɖe ŋutinye; eye amesi ke meƒoa ƒu kplim o la, eya kana hlẽna.

2 Fiawo 9:32

Wòfɔ ka dzi kpo fesre nu gblɔ bena: Ameka le dzinye, amekae? Tete aƒemenuwo dzikpɔla eve alo etɔ̃ do mo ɖe fesre nu.

Yosua 5:13

Esi Yosua le Yerixo gbɔ, eye wòfɔ ko dzi la, ekpɔ ŋutsua ɖe ɖi yi ɖe asi, le tsitre ɖe eŋgɔ. Tete Yosua zɔ ɖe edzi biae bena: Mía dzi nèle loo, alo míaƒe futɔwo dzi nèlea?

2 Samuel 20:11

Yoab ƒe ɖekakpuiwo dometɔ ɖeka tsi egbɔ le gbɔgblɔm bena Amesi ke lɔ̃a Yoab ƒe nya kple amesi ke nye Dawid lɔ la, nedze Yoab yome!

2 Mose 32:25

Esi Mose kpɔ bena, dukɔ la wɔ yakanu, elabena Aron ye do lã wo, be woƒe futɔwo naɖu fewu le wo ŋu la,

2 Mose 32:27

Eye wògblɔ na wo bena: Ale Yehowa Israel ƒe Mawu la gblɔ esi: Ŋutsu sia ŋutsu nesa eƒe yi ɖe ali; mige ɖe asaɖa la me, tso afi yi afi, tso agbo nu yi agbo nu, eye amesiame nawu nɔviaŋutsu, xɔlɔ̃via kple eƒe ƒometɔwo.

5 Mose 33:9

Wogblɔ le wo fofo kple wo dada ŋu be, yewo mele wo kpɔm o; womedze si wo nɔviŋutsuwo o, eye womenya woƒe viŋutsuwo o; ke boŋ woɖo to wò nyawo, eye wolé wò nubabla me ɖe asi.

Psalmowo 94:16

Ameka atso ɖe ame vɔ̃ɖiwo ŋu nam, eye ameka ado ɖe nu vɔ̃ɖi wɔlawo ŋu ɖe nunye?