2 Mose 20:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ Ale dukɔ la tsi tre ɖe adzɔge ke; ke Mose te ɖe alilikpo dodo, si me Mawu le la ŋu.

Agbenya La

²¹ Le esime ameawo le tsitre ɖe adzɔge la, Mose ge ɖe blukɔ si me Mawu nɔ la me.

2 Mose 20:21 Referans Kwoze

1 Fiawo 8:12

Ɣemaɣi Salomo gblɔ bena; Yehowa gblɔ be, yeana alilikpo dodo me.

Psalmowo 97:2

Alilikpo kple tsizi ƒo xlãe, dzɔdzɔenyenye kple ʋɔnudɔdrɔ̃ nye eƒe fiazikpui ƒe anyinɔ.

1 Timoteo 6:16

amesi ko si makumakunyenye le, amesi nɔa anyi le kekeli, si ŋu womate ŋu ate ɖo o la me, amesi amea ɖeke mekpɔ kpɔ o, eye mate ŋu akpɔe hã o, amesi tɔ lanye bubu kple ŋusẽ mavɔmavɔ! Amen.

Psalmowo 18:9

Dzudzɔ de dzi tso eƒe ŋɔti me, dzo binu tso eƒe nu me, eye dzoka tso egbɔ hehẽhe.

2 Kronika 6:1

Ɣemaɣi Salomo gblɔ bena: Yehowa gblɔ be, yeanɔ alilikpo dodo me;

Psalmowo 104:2

Etsyɔa kekeli abe avɔ ene, eye wòkekea dziƒo abe agbadɔvɔ ene.

Psalmowo 18:12

Eɣla eɖokui ɖe blukɔ me, eye tsiɖoɖo kple alilikpo dodo nye eƒe agbaɖɔ ƒo xlãe.

5 Mose 5:22

Ke nukaŋuti miaku azɔ? Elabena dzo gã sia afiã mi; nenye be, míegale Yehowa, mía Mawu, ƒe gbe sem ko la, míava ku.

5 Mose 5:5

eye menɔ mia kple Yehowa dome ɣemaɣi, bena magblɔ Yehowa ƒe nyawo na mi, elabena miele dzo lã vɔ̃m, eye mieha to la o. Eye wògblɔ bena:

2 Mose 19:3

Ke Mose yi Mawu gbɔ le to la dzi. Eye Yehowa yɔe tso to la dzi gblɔ bena: Ale nagblɔ na Yakob-ƒomeawo, eye ale naɖe gbe ƒãe na Israel-viwo enye si: