2 Mose 20:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Megaɖi aʋatsoɖase le hawòvi ŋuti o.

Agbenya La

¹⁶ Mègaɖi aʋatsoɖase ɖe hawòvi ŋuti o.

2 Mose 20:16 Referans Kwoze

Lododowo 19:5

Aʋatsoɖasefo metsi tomahe o, eye amesi nu alakpa ɖona le la, masi o.

Mateo 19:18

Eye wòbena: Kawoe? Yesu gblɔ nɛ bena: Megawu ame o. Megawɔ ahasi o. Megafi fi o; Megaɖi aʋatsoɖase o.

Psalmowo 15:3

amesi metsɔa eƒe ade zɔa eme gɔmee o, mewɔa vɔ̃ ɖe ehavi ŋu o, eye medea ŋukpe mo na xɔlɔ̃via o;

2 Mose 23:1

Megasa sakpli o. Wò nu meganɔ ŋutasẽla ƒe nya me, be nazu aʋatsoɖaseɖila o.

Lododowo 10:18

Amesi léa fu ame le adzame la, alakpanue; eye amesi ha ame gɔme la, bometsilae.

Yakobo 4:11

Nɔviwo, migadzu mia nɔewo o! Amesi ke dzua nɔvia, eye wòdrɔ̃ ʋɔnui la, edoa vlo se la, eye wòdrɔ̃ ʋɔnu se la. Ke ne edrɔ̃ ʋɔnu se la la, menye se la dziwɔla o, ke boŋ se la ƒe ʋɔnudrɔ̃la nènye.

1 Timoteo 1:10

kple ahasiwɔlawo kple amesiwo dɔna kple ŋutsuviwo kple amesiawo kple aʋatsokalawo kple atam dzodzro kalawo, eye ne nu bubua ɖe li, si tsi tre ɖe nufiafia, si le blibo la ŋuti

Efesotɔwo 4:31

Mina woaɖe veve helĩhelĩ kple dɔmedzoe kple dziku kple ɣlidodo kple busubɔbɔ katã kpakple nu tovo wɔwɔ katã hã ɖa le mia dome.

Dɔwɔwɔwo 6:13

eye woɖo aʋatsoɖaseɖilawo, amesiwo gblɔ bena: Nenem me sia midzudzɔ nuƒoƒo ɖe teƒe kokoe la kple se la ŋu o;

2 Timoteo 3:3

amesiwo melɔ̃a ame ƒe nya o, amesiwo gbea avuléle, ameŋuzɔlawo, amesiwo mete ŋu ɖua wo ɖokui dzi o, ame wɔadãwo, amesiwo melɔ̃a nu nyui o,

Lododowo 11:13

Amegɔmezɔla nua go nya ɣaɣla, ke nyateƒetɔ ɣlaa nya.

3 Mose 19:11

Migafi fi o, migasẽ nu o, eye amea ɖeke megable nɔvia o.

3 Mose 19:16

Meganye sakplitɔ nɔ yiyim le wò dukɔ me viwo dome o; eye megaka ɖe dzi, be woatso kufia na hawòvi o. Nyee nye Yehowa!

Luka 3:14

Eye asrafowo hã biae gblɔ bena: Miawo hã nuka wo ge míala? Eye wògblɔ na wo bena: Migado ŋɔdzi na amea ɖeke xɔ nu le esi o, eye migatso amea ɖeke nu hã dzro o, eye miaƒe fetu nadze mia ŋu!

3 Mose 19:18

Megawɔ wɔɖenui o, eye megalé dɔmedzoe, si wò dukɔ me viwo do na wò la, ɖi o; ke boŋ nalɔ̃ hawòvi abe ɖokuiwò ene. Nyee nye Yehowa!

5 Mose 5:20

Esi miese gbea tso vivitia me, eye dzo de dzi le to la ŋu miekpɔ la, tete miaƒe toawo ƒe amegãwo kple ame tsitsiwo va gbɔnye,

Lododowo 25:18

Amesi ɖia aʋatsoɖase le ehavi ŋu la, zũ kple yi kpakple aŋutrɔ ɖaɖɛ wònye.