2 Mose 19:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Eye dzudzɔ bia Sinai-to blibo la, elabena Yehowa ɖi va edzi le dzo me; eye dzudzɔ la ɖe dzi abe aŋɔɖaƒe dzudzɔ ene, eye to blibo la le ʋuʋum ŋutɔ.

Agbenya La

¹⁸ Dzudzɔ tsyɔ Sinai to blibo la dzi, elabena Yehowa ɖi ɖe edzi le dzo ƒe nɔnɔme me. Dzudzɔ la yi dzi ʋĩi abe kpodzo gã aɖe ƒe dzudzɔ ene. To blibo la ʋuʋu kpekpekpe.

2 Mose 19:18 Referans Kwoze

Ɖelawo 5:5

towo dzo kpekpekpe le Yehowa ŋku me, eye Sinai sia ʋuʋu le Yehowa. Israel ƒe Mawu ƒe ŋku me.

Psalmowo 144:5

Yehowa, viã wò dziƒo, eye naɖi ɖe anyi; ka asi towo ŋu, ne woatu adzudzɔ.

Nyaɖeɖefia 15:8

Eye dzudzɔ, si tso Mawu ƒe ŋutikɔkɔe kple eƒe ŋusẽ gbɔ la, yɔ gbedoxɔ la me taŋ, eye amea ɖeke mete ŋu ge ɖe gbedoxɔ la me o, vaseɖe esime wowu mawudɔla adreawo ƒe fu wɔa me adreawo nu.

2 Mose 3:2

Eye Yehowa ƒe dɔla ɖe eɖokui fiae le dzobibi me le ŋuvea ɖe me. Esi wòlé ŋku ɖe eŋu la, ekpɔ bena, ŋuve la le bibim, gake mele fiafiãm o.

Yeremia 4:24

Meɖe ŋku ɖe towo, kpɔ ɖa, wole dzodzom kpekpekpe, kple ɖe togbɛwo katã, kpɔ ɖa, wole ʋaʋãm.

1 Mose 19:28

Eye esi wòkpɔ Sodom kple Gomora kple afima nutowo katã me le abu me ɖa la, kpo ɖa, dzudzɔ gãa ɖe le dzi dem tso anyigba la dzi abe aŋɔɖaƒe ene.

Psalmowo 104:32

Eya, amesi doa mo de anyigba dzi, tete wòdzena nyanyanya, ekaa asi towo ŋu, eye wotua adzudzɔ.

5 Mose 33:2

Eye wògblɔ bena: Yehowa tso Sinai va, edze na wo tso Seir, eye wòdo tso Paran-to la gbɔ. Ame kɔkɔe akpe nanewo kpe ɖe eŋu, eye dzo le eƒe nuɖusi na wo.

5 Mose 5:22

Ke nukaŋuti miaku azɔ? Elabena dzo gã sia afiã mi; nenye be, míegale Yehowa, mía Mawu, ƒe gbe sem ko la, míava ku.

2 Mose 24:17

Eye Yehowa ƒe ŋutikɔkɔe dze na Israel-viwo le toa tame abe dzobibi ene.

Hebritɔwo 12:26

amesi ƒe gbe ʋuʋu anyigba la le ɣemaɣi me; ke azɔ la eɖo ŋugbe gblɔ be: „Esusɔ zi ɖeka, eye menye anyigba ɖeɖeko maʋuʋu o, ke boŋ dziƒo hãe.“

Yesaya 6:4

Ɣlidola la ƒe gbe na kpuiawo ƒe agunu ʋuʋu, eye dzudzɔ yɔ xɔ la taŋ.

1 Mose 15:17

Eye wòva ve me bena, esime ɣe ɖo to, eye viviti do la, kpɔ ɖa, dzudzɔ le dodom le kpɔa ɖe me kɔlikɔli, eye dzo ƒe ade le dzi dem le lãwo domee.

2 Petro 3:10

Ke Aƒetɔ la ƒe ŋkeke le vava ge abe fiafitɔ ene, le esime dziƒowo ava yi kple gbeɖeɖe; ke gɔmedzenuwo labi, eye woalólo le dzo me, eye anyigba kple eme dɔwɔwɔwo lafiã keŋ.

Hebritɔwo 12:18

Elabena menye to, si ŋu woate ŋu aka asii kple dzo bibi kple alilikpo dodo kple viviti kple ahom

2 Tesalonikatɔwo 1:8

le dzo ƒe aɖe me, esime woabia hlɔ̃ amesiwo menya Mawu o kple amesiwo meɖoa to mía Aƒetɔ Yesu Kristo ƒe nyanyuie la o,

Mateo 24:7

Elabena dukɔ latsi tre ɖe dukɔ ŋuti, eye fiaɖuƒe ɖe fiaɖuƒe ŋuti, dɔwuame kple dɔléame kple anyigbaʋuʋu ava teƒeteƒewo.

Zekaria 14:5

Eye miasi ayi nye to la ƒe bali me, elabena to la ƒe balime aɖe Azal ke; miasi, abe alesi miesi le anyigbaʋuʋu nu le Yuda-fia Uriya ŋɔli ene; Yehowa, nye Mawu la, ava eye ame kɔkɔeawo katã akpe ɖeeŋu!

Psalmowo 114:7

Anyigba, dzidzi neƒo wò le Aƒetɔ la ŋku me, le Yakob ƒe Mawu la ŋku me;

Psalmowo 77:18

Alilikpo ɖuɖu tsi, dziŋgɔ ɖe gbe, eye wò aŋutrɔwo va yi.

2 Mose 20:18

Esi dukɔ blibo la se dziɖegbe kple kpẽawo ƒe ɖiɖi, eye wokpɔ dzikedzo kple alesi toa le dzudzɔ tumi la, dukɔ la dzo nyanyanya, eye wotsi tre ɖe adzɔge ke.

2 Mose 19:13

Ne asia ɖe aka eŋu la, woaƒu kpee, alo woatee kple da; eɖanye ame alo lã o, maganɔ agbe o. Ke ne woku lãdzokpẽ la, ekema woaha to la.

2 Tesalonikatɔwo 1:7

eye mi amesiwo kpo xaxa la, ana gbɔɖeme mi kpakple mí katã siaa le Aƒetɔ Yesu Kristo kple eƒe ŋusẽ ƒe dɔlawo ƒe ɖeɖefia tso dziƒo la me

Nyaɖeɖefia 9:2

Eye woʋu aʋli me vudo la nu, eye dzudzɔ lu tso vudo la me abe kpodzo gãa ɖe ƒe dzudzɔ ene, eye ɣe kple yame do viviti le vudo la ƒe dzudzɔ la ŋuti.

1 Mose 11:5

Tete Yehowa ɖi va anyi, be yeakpɔ du kple mɔ̃ kɔkɔ, si amegbetɔviwo le tutum la ɖa.

2 Mose 19:17

Eye Mose kplɔ dukɔ la tso asaɖa la me yi Mawu kpe ge, eye wotsi tre ɖe to la te.

2 Mose 34:2

Dzra ɖo vaseɖe etsɔ, eye etsɔ ŋdi la nalia Sinai-to la, eye nanɔ dzɔyem le to la tame.

5 Mose 5:4

Yehowa ƒo nu kpli mi ŋku me kple ŋku me le to la gbɔ tso dzo me,

Yesaya 64:1

Abe alesi dzo fiãa nakeyɛ, eye dzo nana tsi fiẽna wlɔwlɔwlɔ enee ɖe, ne naɖe wò ŋkɔ afia dukɔwo, eye dukɔwo katã nadzo nyanyanya le ŋkuwò me,

5 Mose 4:36

Ena nèse eƒe gbe tso dziƒo, bena wòafia nu wò, eye wòna nèkpɔ eƒe dzo gã la le anyigba dzi, eye nèse eƒe gbe tso dzo la me.

Nehemia 9:13

Eɖi va Sinai-to la dzi, eye nẽƒo nu kpli wo tso dziƒo; èna kɔnu dzɔdzɔewo, nufiame, siwo le eteƒe, kpakple ɖoɖo kple se nyuiwo wo.

Psalmowo 18:9

Dzudzɔ de dzi tso eƒe ŋɔti me, dzo binu tso eƒe nu me, eye dzoka tso egbɔ hehẽhe.

Psalmowo 68:9

anyigba ʋuʋu, Sinai sia hã, le Mawu ŋku me, eye dziŋgɔ ge la le Mawu, Israel ƒe Mawu la, ŋku me.

Psalmowo 77:19

Wò gbeɖeɖe ɖi le yali me, dzikedzo ke dzo ɖe xexeame; anyigba ʋuʋu, eye wòdzo nyanyanya.

Psalmowo 114:4

towo ti kpo abe agbowo ene, togbɛwo abe alẽviwo ene.

Habakuk 3:6

Etɔ, eye anyigba ʋuʋu; eɖo ŋku anyi kpɔ nu, eye dzidzi ƒo dukɔwo, blema towo fe kpla, gbaɖegbe togbɛwo ŋe dze eme, eye wòzɔ blema mɔwo dzi.