2 Mose 12:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Ŋkeke sia nanye ŋkuɖodzigbe na mi, eye mianɔ eɖum na Yehowa, wòanye ɖoɖo na miaƒe dzidzimeviwo, be miaɖui tegbee.

Agbenya La

¹⁴ “Ele be miaɖu ŋkekenyui sia na Yehowa ƒe sia ƒe be wòaɖo ŋku zã si me Egiptetɔwo ƒe ŋutsuvi gbãtɔwo ku la dzi. Esia zu se si me woalé ɖe asi tegbetegbe.

2 Mose 12:14 Referans Kwoze

2 Fiawo 23:21

Eye ba la de se na dukɔ blibo lã bena: Miɖu ŋutitotoŋkekenyuie la na Yehowa mia Mawu la, abe alesi woŋlɔ ɖe nubabla ƒe agbalẽ sia me ene.

2 Mose 12:24

Eye mia ŋutɔwo kple mia viwo miɖo ŋku ɖoɖo sia dzi tegbee.

2 Mose 12:17

Miɖo ŋku abolo maʋamaʋã la dzi, elabena gbemagbe mekplɔ miaƒe amehawo tso Egipte-nyigba dzi. Eyata mido ŋku ŋkeke sia dzi, be wòanye ɖoɖo na miaƒe dzidzimeviwo tegbee!

2 Mose 12:43

Eye Yehowa gblɔ na Mose kple Aron bena: Esia enye ŋutitotoŋkekenyuie la ŋu ɖoɖowo: Amedzroa ɖeke mekpɔ mɔ aɖui o.

Mateo 26:13

Vavã mele egblɔm na mi bena: Afisi ke woaɖe gbe ƒã nyanyuie sia afia le le xexeme blibo la katã la, woagblɔ nusi nyanu sia wo la hã hena ŋkuɖoɖo edzi.

Psalmowo 135:13

Yehowa, wò ŋkɔ anɔ anyi tegbee, Yehowa, woaɖo ŋku dziwò tso dzidzime yi dzidzime.

Psalmowo 111:4

Edo ŋkuɖodzinu eƒe nukunuwo ŋu, amenuvela kple nublanuikpɔla enye Yehowa.

5 Mose 16:11

Eye mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewitɔ, si le wò du me, kple amedzro, tsyɔ̃evi kple ahosi, siwo le dowòme la, miakpɔ dzidzɔ le Yehowa, wò Mawu, ŋku me le teƒe, si Yehowa, wò Mawu, atia be, yeƒe ŋkɔ nano la.

5 Mose 16:1

Wò ŋku nena nuŋeɣleti la ŋu, eye naɖu ŋutitotoŋkekenyuie na Yehowa, wò Mawu la, elabena nuŋeɣleti la dzi Yehowa, wò Mawu, kplɔ wò tso Egipte de zã me.

2 Mose 5:1

Emegbe Mose kple Aron woyi dagblɔ na Farao bena: Ale Yehowa. Israel ƒe Mawu la, gblɔ esi. Ɖe asi le nye dukɔ la ŋuti, bena wòayi aɖaɖu ŋkekenyuie nam le gbedzi!

Luka 22:19

Eye esi wòtsɔ abolo ɖe asi la, eda akpe ɖe edzi, eye wòŋe eme hetsɔe na wo gblɔ bena: Esiae nye nye ŋutilã, si wona le mia ta: miwɔ esia hena ŋkuɖoɖo dzinye.

Zekaria 6:14

Ke fiakuku la nenɔ Yehowa ƒe gbedoxɔ me, ne woafsɔ aɖo ŋku Xeldai, Tobiya kple Yedaya kpakple Zefanya vi la ƒe dɔmenyowɔwɔ dzi

Hezekiel 46:14

Wòatsɔ nuɖuvɔsa efa ƒe adeliawo ɖeka akpe ɖe eŋu asa vɔe ŋdi sia ŋdi hekpe de ami hin ƒe etɔ̃liawo ɖeka ŋu, ne woatsɔ adzaba wɔ memee wòanye nuɖuvɔsa na Yehowa; ɖoɖo anye esia ɖaa.

1 Samuel 30:25

Eye wotsɔe wɔ se kple kɔnu na Israel tso gbemagbe dzi vaseɖe egbe.

Yosua 4:7

ekema migblɔ na wo bena: Elabena Yordan me tsia nu tso le Yehowa ƒe nubablaɖaka la ŋgɔ; esi wole Yordan tso ge la, tete Yordan me tsi la nu tso, eyata kpe siawo nye ŋkuɖodzinu na Israel-viwo tegbee do.

4 Mose 18:8

Eye Yehowa gblɔ na Aron bena: Kpɔ ɖa, metsɔ adzɔ, siwo woɖena le Israel-viwo ƒe nunana kɔkɔewo katã ŋu la, na wò, wò ŋutɔ kple viwòŋutsuwo ƒe gome wònye, ɖoɖo mava wòanye.

4 Mose 10:8

Aron viŋutsu, siwo nye nunɔlawo, naku kpẽawo; ɖoɖo mavɔ wòanye na miaƒe dzidzimeviwo.

2 Mose 12:6

Eye miadzrae ɖo vaseɖe ɣleti sia ƒe ŋkeke wuienelia dzi, eye Israel-viwo ƒe ha blibo la nawui le fiẽ me.

2 Mose 23:15

Ɖo ŋku abolo maʋamaʋã ŋkeke la dzi; ŋkeke adre sɔŋ naɖu abolo maʋamaʋã le nuŋeɣleti ƒe ŋkeke, si woɖo la dzi, abe alesi mede se na wò ene; elabena eya dzi nèʋu tso Egipte. Ke womava ŋkunye me asi gbolo o.

3 Mose 23:6

eye le ɣleti sia ƒe ŋkeke wuiatɔ̃lia dzi miaɖu abolo maʋamaʋã ƒe ŋkekenyuie na Yehowa; ŋkeke adre sɔŋ miaɖu abolo maʋamaʋã.

5 Mose 6:8

Bla wo ɖe wò asi ŋu abe dzesi ene, eye bla wo ɖe ŋgonu le ŋudome;

2 Mose 27:21

le Mawu ƒe agbadɔ la me, le xɔmetsovɔ, si xe nubablaɖaka ŋku me la ŋgɔ, eye Aron kple viaŋutsuwo nadzrae ɖo, bena wòanɔ bibim le Yehowa ƒe ŋku me tso fiẽ vaseɖe ŋdi. Esia anye ɖoɖo na Israel-viwo kple woƒe dzidzimeviwo tegbee.

4 Mose 15:15

Ɖoɖo ɖeka nanɔ eŋu na dukɔ blibo la kple amedzrowo siaa. Ɖoɖo mavɔ wòanye na miaƒe dzidzimeviwo; mia kple amedzrowo miesɔ le Yehowa ŋku me.