1 Samuel 22:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Ke nyagblɔɖila Gad gblɔ na Dawid bena: Megatsi mɔ̃ me le to la dzi o, ke boŋ yi Yuda-nyigba dzi! Eye Dawid dzo heva ave me le Xarel.

Agbenya La

⁵ Gbe ɖeka la, Nyagblɔɖila Gad gblɔ na David be wòadzo le agado la me eye wòatrɔ ayi Yuda. Ale David yi ave aɖe me le Heret.

1 Samuel 22:5 Referans Kwoze

2 Kronika 29:25

Eɖo Lewi-viwo Yehowa ƒe aƒe la me, eye wòlé gakogoewo, saŋkuwo kple kasaŋkuwo ɖe asi le Dawid kple fia ƒe nukpɔla Gad kpakple nyagblɔɖila Natan ƒe sedede nu, elabena Yehowa ye de se la to eƒe nyagblɔɖilawo dzi.

1 Kronika 29:29

Fia Dawid ŋutinyawo, tsãtɔwo kple megbetɔwo la, kpɔ ɖa, woŋlɔ wo ɖe nukpɔla Samuel ŋutinyawo, nyagblɔɖila Natan ŋutinyawo kple nukpɔla Gad ŋutinyawo me

1 Kronika 21:9

Eye Yehowa gblɔ na Dawid ƒe nukpɔla Gad bena:

2 Samuel 24:11

Esi Dawid fɔ ŋdi kanya la, Yehowa ƒe gbe va nyagblɔɖila Gad, amesi nye Dawid ƒe nukpɔla, gbɔ bena:

1 Samuel 22:4

Eye wòkplɔ wo va Moab-fia gbɔe, eye wotsi egbɔ ŋkeke, siwo katã Dawid nɔ mɔ̃ me le to dzi.

2 Samuel 23:14

Dawid le mɔ̃ me le to dzi, eye Filistitɔwo ɖe aʋakɔ ɖo Betlexem ɣemaɣi.

Psalmowo 63:1

Dawid ƒe ha, le esime wòle Yuda-gbedzi.

1 Kronika 11:16

Dawid le mɔ̃ la me ɣemaɣi, eye Filistitɔwo ɖe aʋakɔ ɖo Betlexem ɣemaɣi.