1 Samuel 2:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ Yehowa wua ame, eye eya ke gbɔa agbe ame, edea ame tsiẽ, eye wògahea ame ɖoa goe.

Agbenya La

⁶ “Yehowa wua ame gagbɔa agbe ame; enana woyia yɔ me eye wògafɔa ame tso yɔ me.

1 Samuel 2:6 Referans Kwoze

5 Mose 32:39

Miele ekpɔm azɔ be, nye ɖeɖe koe ti, eye mawua ɖeke mekpe ɖe ŋunye oa? Mewua ame, eye megbɔa agbee, meƒoa ame, eye meyɔa ɖoe, eye womate ŋu aɖe amea ɖeke tso asinye o.

Yesaya 26:19

Wò ame kukuwo agbɔ agbe, eye nye ame kukuwo afɔ ɖe tsitre! Minyɔ, mi ketu me tɔwo, eye mitso aseye, elabena miaƒe zãmu enye kekeli ƒe zãmu, eye anyigba aɖe ŋɔliwo ana.

2 Fiawo 5:7

Esi Israel-fia xlẽ agbalẽa la, edze eƒe awuwo gblɔ bena: Mawue menye, ne mawu ame agagbɔ agbee, hafi amesia dɔ ame ɖo ɖe gbɔnye, be mayɔ dɔ anyi na ŋutsu sia? Midze sii kokoko be, mɔnu dim wòle le ŋunye.

Nyaɖeɖefia 1:18

kple amesi le agbe, meku, eye kpɔ ɖa, mele agbe tso mavɔ me yi ɖe mavɔ me, eye ku kple tsiẽƒe safuiwo le asinye.

Hiob ƒe Agbalẽ 5:18

Elabena edea abi eme ŋu, eye wògablanɛ, eƒoa ame, eye eƒe asi daa gbe le eŋu.

Yohanes 11:25

Yesu gblɔ nɛ bena: Nyee nye tsitretsitsi la kple agbe la; amesi xɔa dzinye sena la, ne eku hã la, anɔ agbe;

Mateo 12:40

elabena abe alesi Yona nɔ ƒumelãtsu ƒe ɖɔ me xɔ ŋkeke etɔ̃ kple zã hã etɔ̃ la, nenema ke amegbetɔvi la anɔ anyigba ƒe tu me ŋkeke etɔ̃ kple zã hã etɔ̃.

Psalmowo 116:3

Ku ƒe kawo ɖe to ɖem, tsiẽƒe ƒe ŋɔdzi lém, eye mekpe hiã kple nuxaxa.

1 Samuel 20:3

Ke Dawid gaka atam gblɔ bena: Fofowò nyae be, mèlɔ̃a nu le gbɔnye o, eyata wobu be, Yonatan meganyae, ne wòavee o! Ke meta Yehowa ƒe agbe kple wò siaa: Ne afɔɖeɖe ɖeka le mía kple ku dome fi!

Psalmowo 68:20

Woakafu Aƒetɔ la gbeawotsyogbe! Eya, míaƒe xɔname ƒe Mawu la, le mía tsam. Sela.

Nyagblɔla 3:3

amewuɣi li, eye gbeɖaɣi li; xɔgbãɣi li, eye etuɣi li;

Hezekiel 37:3

Tete wògblɔ nam be: Amevi, ɖe ƒu siawo agagbɔ agbea? Meɖo ŋu bena: Aƒetɔ Yehowa, wò ŋutɔ ènyae!

Hezekiel 37:12

Eyata gblɔ nya ɖi nagblɔ na wo bena: Ale Aƒetɔ Yehowa gblɔ esi: Nye dukɔ, kpɔ ɖa, mele miaƒe yɔdowo ʋu ge, mana miado atso miaƒe yɔdowo me, eye makplɔ mi ayi miaƒe anyigba dzi.

1 Fiawo 17:22

Yehowa se Eliya ƒe gbe, eye ɖevi la ƒe luʋɔ gagbugbɔ va eme, eye wògbɔ agbe.

Psalmowo 30:4

Yehowa, wòe he nye luʋɔ tso tsiẽƒe, eye nègbɔ agbem tso amesiwo yi aʋli me la dome.

Psalmowo 71:20

Wò amesi na míekpɔ hiã kple dzɔgbevɔ̃e geɖe la, wò kee agbɔ agbe mí, eye nahe mí tso anyigbatu me ke ava dzii.