1 Mose 32:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ nye medze wò nublanui, si nèkpɔ nam, kple wò anukware, si nẽɖi na wò dɔla la dometɔa ɖeke o; elabena nye ati sia metsɔ tso Yordan sia, ke azɔ la metrɔ zu asafokɔ eve.

Agbenya La

¹¹ O, Yehowa, meɖe kuku na wò, ɖem tso tsɔtsrɔ̃ me le fonye Esau ƒe asi me, elabena mele vɔvɔ̃m ŋutɔ be ava ho aʋa ɖe nye ŋutɔ, srɔ̃nyewo kple vinyewo ŋu.

1 Mose 32:11 Referans Kwoze

Lododowo 18:19

Nɔvi, si ŋu woda vo ɖo la, tri akɔ wu du sesẽ, eye dzrewɔwɔ le abe fiasã ƒe gametiwo ene.

Mateo 6:13

Eye megakplɔ mi yi ɖe tetekpɔ me o; ke ɖe mi tso vɔ̃ɖitɔ la si me! Elabena tɔwòe nye fiaɖuƒe kple ŋusẽ kple ŋutikɔkɔe yi ɖe mavɔmavɔ me. Amen.

Hosea 10:14

Aʋaɣli aɖi le wò dukɔ la dome, eye woagbã wò mɔ̃ sesẽwo katã, abe alesi Salman gbã Bet-Arbel, eye wòxlã dadawo kple viwo ɖe nu la ene.

Daniel 3:17

Kpɔ ɖa, mía Mawu, si subɔm míele la, me ŋu aɖe mí tso kpodzo bibi la me, eye wòate ŋu aɖe mi tso wò fia si me.

Psalmowo 142:6

Yehowa, wòe mele ɣli dom na le gbɔgblɔm be: Wòe nye nye sitsoƒe kple nye gome le agbagbeawo ƒe anyigba dzi.

Psalmowo 119:134

Ɖem tso amegbetɔwo ƒe tetedeanyi me, ekema malé ŋku de wò seawo ŋu.

Psalmowo 43:1

Tso afia nam, Mawu, eye nawɔ nye dzre kple dukɔ malɔ̃ame la nam; ɖem tso alakpatɔ kple ame vlo la si me!

Psalmowo 31:2

Yehowa, wòe mesi tso, megana ŋu nakpem akpɔ gbeɖe o! Tsɔ wò dzɔdzɔenyenye la ɖem!

Psalmowo 25:20

Dzra nye luʋɔ ɖo, eye naɖem, ŋu makpem o, elabena wòe mesi tso.

Psalmowo 16:1

Dawid ƒe ha ɖe futamee la. Mawu dzram ɖo, elabena wòe mesi tso!

1 Samuel 24:15

Ameka gɔ̃ yome Israel-fia la dze, eye ameka yome nètí? Avũ kuku alo dosu ɖeka kolia?

1 Samuel 12:10

Eye wodo ɣli yɔ Yehowa gblɔ bena: Miewɔ nuvɔ̃, elabena miegblẽ Yehowa ɖi hesubɔ Baalwo kple Astartewo; azɔ ɖe mí tso míaƒe futɔwo si me, ekema miasubɔ wò!

1 Mose 27:41

Ke Esau lé Yakob ɖe fu me le yayra, si fofoa tsɔ nɛ la ta, eye Esau ɖo ta me gblɔ bena: Ne fofonye aku, eye woanɔ fu nyim nɛ la, ekema mawu nɔvinye Yakob!

5 Mose 22:6

Ne èle mɔ dzi, eye nèfɔ xevitɔ, si me vi alo azi le, le atia ɖe dzi alo anyigba, eye dada tsyɔ akɔ ɖe viawo alo aziawo dzi la, ekema megale dada kple viawo siaa o;

1 Mose 27:42

Esi Rebeka se via xoxoetɔ Esau ƒe nyawo la, ena woyɔ via ɖevitɔ Yakob vɛ, eye wògblɔ nɛ bena: Kpɔ ɖa, nɔviwò Esau ɖo be, yeabia hlɔ̃ awu wò.

1 Mose 32:3

Eye esi Yakob kpɔ wo la, egblɔ be Mawu ƒe asaɖa enye esia! Eyata wòyɔ teƒe ma be Maxanaim.

1 Mose 32:7

Eye dɔlawo gatrɔ va Yakob gbɔ, eye wogblɔ bena: Miede noviwò Esau gbɔ, eye eya hã gbɔna kpe wò ge kple ame alafa ene.

1 Mose 33:4

Tete Esau ƒu du va kpee, kpla asi kɔ nɛ, eye wòɖuɖɔ nu nɛ, eye wòde asi avifafa me.

1 Mose 24:27

gblɔ bena: Woakafu Yehowa, nye aƒetɔ Abraham ƒe Mawu, amesi meŋlɔ nye aƒetɔ be le enu veve kple nuteƒewɔwɔ nɛ me o la. Elabena Yehowa fia mɔm, eye wòkplɔm va nye aƒetɔ nɔviwo gbɔe.

2 Samuel 7:18

Eye fia Dawid yi ɖabɔbɔ nɔ Yehowa ŋku me hegblɔ bena: Aƒetɔ Yehowa, ameka menye, eye nuka nye aƒe nye be, nèkplɔm vaseɖe fifi?