1 Mose 24:48 - Biblia alo Ŋɔŋlɔ Kɔkɔe La Le Eʋegbe Me 1913

⁴⁸ Tete medze klo na Yehowa, eye metsyɔ mo anyi hekafu Yehowa, nye aƒetɔ Abraham ƒe Mawu, si kplɔm nyuie ale, be maɖe nye aƒetɔ nɔvi ƒe vinyɔnu na ye aƒetɔ ƒe vi la.

Agbenya La

⁴⁸ Emegbe la, mede ta agu, eye mekafu Yehowa, nye aƒetɔ Abraham ƒe Mawu la, elabena ekplɔm to mɔ nyuitɔ dzi be meke ɖe ɖetugbi aɖe ŋu tso nye aƒetɔ nɔviŋutsu ƒe vinyɔnuwo dome,

1 Mose 24:48 Referans Kwoze

Psalmowo 48:14

Milé ŋku de eƒe agbogbowo ŋu, eye mito eƒe fiasãwo me, ne miaxlẽe afia megbeviwo!

Psalmowo 32:8

Mafia nu wò, eye mafia mɔ, si nam la wò; made aɖaŋu na wò, eye nye ŋku anɔ ŋuwò.

Yesaya 48:17

Ale Yehowa, wò xɔnametɔ, Israel ƒe kɔkɔetɔ la, gblɔ esi: Nye Yehowa, wò Mawu, enye amesi fia nusi nyo na wò la wò, nyee akplɔ wò to ma, si dzi nato la.

1 Mose 24:52

Ke esi Abraham ƒe dɔla se nya siawo la, etsyɔ mo anyi na Yehowa.

Lododowo 4:11

Nunyamɔ fiam mele wò, eye mekplɔ wò to toƒe dzɔdzɔe.

Psalmowo 107:7

hekplɔ wo to mɔtata dzi, ne woayi du, si me woanɔ la me.

Ezra ƒe Agbalẽ 8:21

Tete mede gbe ƒã le Ahawatɔsisi la nu be, woatsi nu adɔ, ne míabɔbɔ mía ɖokui ɖe anyi le mía Mawu ŋku me, eye míabia afɔ nyui tsɔtsɔ tso esi na mía ŋutɔwo, mía viwo kple míaƒe kesinɔnuwo katã.

2 Mose 18:20

Ɖe seawo kple ɖoɖoawo me na wo, eye nafia mɔ, si woato kple nusi woawo la wo.

1 Mose 22:23

Eye Betuel dzi Rebeka. Ame enyi siawo Milka dzi na Naxor, Abraham nɔvi.