1 Mose 23:2 - Biblia alo Ŋɔŋlɔ Kɔkɔe La Le Eʋegbe Me 1913

² Eye Sara ku le Kiryat-Arba, eya nye Xebron le Kanaan-nyigba dzi. Eye Abraham va, be wòafa konyi, eye wòafa avi na Sara.

Agbenya La

² Eku le Kiriat Arba (si nye Hebron) le Kanaanyigba dzi. Abraham yi be yeafa konyi, eye yeafa avi nɛ.

1 Mose 23:2 Referans Kwoze

1 Mose 23:19

Esia megbe la Abraham ɖi srɔ̃a Sara ɖe kpeto, si le Maxpela-gblea me la me le Mamre kasa; esia enye Hebron le Kanaan-nyigba dzi.

1 Mose 13:18

Eye Abram le eƒe agbadɔ hom le tutum, le ŋgɔgbe yimii, eye wòva nɔ Mamre ƒe ati gã gbɔ le Xebron-nutowo me, eye wòɖi vɔsamlekpui ɖe afima na Yehowa.

1 Kronika 6:57

Esiwo le Isaxar-to la me, wonye: Kedes kple eŋu lãnyiƒe, Dobrat kple eŋu lãnyiƒe,

Ɖelawo 1:10

Eye Yuda ho aʋa ɖe Kanaanitɔ, siwo nɔ Xebron la ŋu, — tsã la woyɔ Xebron bena Kiryat-Arba — eye woɖu Sesai, Aximan kple Talmai dzi.

Dɔwɔwɔwo 8:2

Eye ŋutsu, siwo vɔ̃a Mawu la, ɖi Stefano, eye wofa konyi nɛ ŋutɔ.

Yohanes 11:35

Yesu fa avi.

Yohanes 11:31

Azɔ Yudatɔ, siwo le aƒea me kplii, eye wole akɔ fam nɛ la, esi wokpɔ bena, Maria tsi tre kaba do go la, wodze eyome hele susum bena, eyina yɔdo la gbɔ, bena yeafa avi le afima.

Yeremia 22:18

Eyata ale Yehowa gblɔ ɖe Yuda-fia Yoyakim, Yosiya vi la ŋu enye si: Womafa nɛ be: „Ao, nɔvinyeŋutsu, ao, nɔvinyenyɔnu“ o! Eye womafa nɛ be: „Ao, nye aƒetɔ, ao, eƒe atsyɔ̃“ o!

Yeremia 22:10

Megafa avi ɖe ame kuku ŋu o, eye megafa nɛ o, ke boŋ fa avi ɖe amesi ʋu dzo la ŋu, elabena megale tɔtrɔ ge agbɔ o, eye megale wo denyigba kpɔ ge o.

2 Kronika 35:25

Eye Yeremya kpa konyifaha le Yosiya ŋu, eye hadzilaŋutsuwo kple hadzilanyɔnuwo katã dzi Yosiya le woƒe konyifahawo me, eye wòzu kɔnu na Israel vaseɖe egbe; kpɔ ɖa, woŋlɔ wo ɖe konyifahawo me.

2 Samuel 5:5

Eɖu fia ɖe Yuda dzi le Xebron ƒe adre kple dzinu ade, eye wòɖu fia ɖe Israel blibo la kple Yuda dzi le Yerusalem ƒe blaetɔ̃ va etɔ̃.

2 Samuel 5:3

Ale Israel-amegãwo katã va fia la gbɔ le Xebron, eye fia Dawid bla nu kpli wo le Xebron le Yehowa ŋku me, eye wosi ami na Dawid, ne woaɖu fia ɖe Israel dzi.

2 Samuel 2:11

Ŋkeke, siwo Dawid ɖu fia le Xebron de Yuda ƒe aƒea dzi la, le ƒe adre kple dzinu ade.

2 Samuel 1:17

Tete Dawid kpa konyifaha sia le Saul kple via Yonatan ŋu,

2 Samuel 1:12

Eye wofa konyi, fa avi hetsi nu dɔ vaseɖe fiẽ le Saul kple via Yonatan kple Yehowa ƒe dukɔ la kpakple Israel ƒe aƒe la ŋuti, le esi wotsi yi nu la ta.

1 Samuel 28:3

Samuel ku, eye Israel blibo la fa nɛ, eye woɖii ɖe Rama, eƒe du la me. Ke Saul nyã ŋɔliyɔlawo kple afakalawo ɖa le anyigba la dzi.

1 Samuel 20:31

Elabena ŋkeke alesi Isai vi la le agbe le anyigba dzi la, mia kple wò fiaɖuƒe mali ke o; eyata ɖo, ne woakplɔe vɛ nam, elabena kuvi wònye!

Yosua 20:7

Tete woɖo Kedes le Galilea le Naftali-to dzi kple Sixera le Efrayim-to dzi kpakple Kiryat-Arba, si nye Xebron le Yuda-to dzi.

Yosua 10:39

eye woɖu eya hã kple eme fia kpakple eƒe duwo katã dzi, eye wowu wo kple yi hetsrɔ̃ amesiwo katã le eme lã gbidigbidi, eye mena amea ɖeke si o, alesi wowɔ Xebron la, nenema wowɔ Debir kple eme fia hãe, abe alesi wowɔ Libna kple eme fia ene.

5 Mose 34:8

Eye Israel-viwo fa na Mose ŋkeke blaetɔ̃ sɔŋ le Moab-tagba. Emegbe wowu avifafa-ŋkekeawo kple funyinyi na Mose nu.

4 Mose 20:29

Eye esi ha blibo la kpo bena, Aron megali o la, Israel ƒe aƒe blibo la fa Aron ŋkeke blaetɔ̃ sɔŋ.

4 Mose 13:22

Woɖo ta dziehe vaseɖe Xebron, afisi Aximan, Sesai kple Talmai, amesiwo nye Enak viwo nɔ. Ke wotso Xebron ƒe adre megbe, hafi wova tso Zoan le Egipte.

1 Mose 50:10

Esi wova ɖo Gorenhatad, si le Yordan godo la, wofa konyi ŋutɔŋutɔ le afima, eye wowɔ yɔƒe na wo fofoa ŋkeke adre.

1 Mose 27:41

Ke Esau lé Yakob ɖe fu me le yayra, si fofoa tsɔ nɛ la ta, eye Esau ɖo ta me gblɔ bena: Ne fofonye aku, eye woanɔ fu nyim nɛ la, ekema mawu nɔvinye Yakob!

1 Mose 23:1

Sara xɔ ƒe alafa ɖeka kple blave vɔ adre; esia nye Sara ƒe agbe me ƒewo.

1 Mose 24:67

Eye Isak kplɔe yi ɖe dada Sara ƒe agbadɔ me, eye wòɖe Rebeka wòzu srɔ̃a, eye wòlɔnɛ ŋutɔ. Ale Isak ƒe ake fa le dada ƒe ku ŋuti.

1 Mose 35:27

Eye Yakob va fofoa Isak gbɔ le Mamre le Kiryat-Arba, esia nye Xebron, afisi Abraham kple Isak wonye amedzrowo le.

1 Mose 37:14

Eye wògblɔ ne bena: Yi ɖakpɔ bena, nɔviwòwo kple lãhawo li sesĩe mahã? Emegbe la nava gblɔe nam. Ale wòdɔe tso Xebron-bali me, eye wòva Sixem.

Yosua 15:13

Eye Yosua tso Arba, Enakitɔwo fofo, ƒe du, si nye Xebron la na Kaleb, Yefune vi, ɖe Yuda viwo dome, abe alesi Yehowa gblɔ ne ene.

Yosua 15:54

Xumta, Kiryat-Arba, eya nye Xebron kple Zion Wole du asieke hekpe ɖe woƒe koƒewo ŋu.

Yosua 21:11

Arba, si nye Enak fofo ƒe du, eya nye Xebron le Yuda-to la dzi hekpe ɖe lãnyiƒe, si le eŋu la ŋuti.

Nehemia 11:25

Yuda-vi, siwo nɔ kɔƒewo me le woƒe agblewo me la, dometɔa ɖewo nɔ Kiryat-Arba kple eƒe kɔƒewo me, Dibon kple eƒe kɔƒewo me, Yekabzeel kple eƒe agbletawo,

1 Mose 50:1

Tete Yosef dze fofoa dzi, fa avi ɖe edzi, eye wòɖuɖɔ nu nɛ.

1 Samuel 25:1

Eye Samuel ku, eye Israel blibo la kpe ta hefa konyi nɛ, eye woɖii ɖe eƒe me le Rama. Eye Dawid dze mɔ yi Paran-gbedzi.