1 Mose 21:25 - Biblia alo Ŋɔŋlɔ Kɔkɔe La Le Eʋegbe Me 1913

²⁵ Tete Abraham ƒo nu kple Abimelex le tsivudo, si eƒe dɔlawo xɔ sesẽe la ŋuti.

Agbenya La

²⁵ Abraham na nutsotso fia Abimelek tso ale si fia la ƒe subɔlawo xɔ vudo aɖe le eƒe subɔlawo si sesẽtɔe la ŋuti.

1 Mose 21:25 Referans Kwoze

Mateo 18:15

Ke ne nɔviwò wo nuvɔ̃ ɖe ŋutiwò la, yi ɖaɖee fiae le mia kple eya ɖeka ko dome; ne eɖo to wò la, ekema eɖe nɔviwò.

Lododowo 27:5

Mokaka ɖe mo na ame kaŋ enyo wu amelɔlɔ̃ le adza me.

Lododowo 25:9

Wɔ wò ŋutɔ wò dzre kple hawòvi; ke megaʋu go ame tutɔ ƒe enya ɣaɣla,

Lododowo 17:10

Nyaheɖeameŋu dea tame na nugɔmeselawo wu na woƒe bometsilawo zi alafa.

Ɖelawo 1:15

Eɖo ŋu nɛ bena: Yram, etsɔ dziehenyigba nam xoxo, eyata tsɔ tsivudoawo hã nam! Tete Kaleb tsɔ vudo, siwo le to dzi kple bali me la nɛ.

1 Mose 29:8

Wogblɔ bena: Míale ŋui o, vaseɖe esime woaƒo alẽhawo katã nu ƒu; ekema míamli kpe la ɖa le vudoa nu, hafi miana tsi alẽawo woano.

1 Mose 13:7

Eye dzre dzɔ ɖe Abram ƒe lãnyilawo kple Lot ƒe lãnyilawo dome. Ke Kanaanitɔwo kple Perizitɔwo hã nɔ anyigba la dzi le ɣemaɣi me.

1 Mose 21:24

Eye Abraham gblɔ bena: Melɔ̃, maka atam la.

1 Mose 21:26

Abimelex xɔ edzi ne bena: Nyemenya amesi wɔ nu sia o, eye wò hã mègblɔ nyaa ɖeke le eŋuti nam kpɔ o, egbe ko hafi nye hã mese nyaa ɖe le eŋu.