तितूस 3:7 - जीवन को च्यानणो (सेकावाटी नया नियम की पोथ्या)

⁷ दयाऊँई आपा परमेसर क सामै सई हां अर अजर-अमर जीवन का वारिस होवां जिकी आपा आस राखां हां।

तितूस 3:7 Referans Kwoze

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

रोमीयो 3:24

पण मसी ईसु म जखो छुटकारो ह बिकै जरिए परमेसर की दयाऊँ बे सितमित म धरमी बणाया गया हीं।

तितूस 2:11

क्युं क परमेसर सगळा मिनखा का छुटकारा ताँई दया दिखाई ह।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

गलातियो 2:16

पण आपा जाणा हां, क मिनख नेम-कायदानै मानबाऊँ नहिस करमाऊँ परमेसर क सामै धरमी कोनी बणै, पण ईसु मसी प बिस्वास करबाऊँ धरमी बणै ह। जणा आपा बी ईसु मसी प बिस्वास कर्या अर आई बजे ह क आपा परमेसर क सामै धरमी बण्या, क्युं क बिधी-बिधान का करमाऊँ कोई बी धरमी कोनी बणै।

रोमीयो 11:6

ज ओ परमेसर की दया को नतिजो ह, जणा ओ मिनखा का करमा को नतिजो कोनी ह। नहिस तो दया को काँई मतबल।

गलातियो 3:29

अर जद थे मसी का हो, जणा अब्राहम का वंसज अर करार गेल वारिस बी हो।

रोमीयो 4:16

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

रोमीयो 3:28

क्युं क म्हें इ नतिजा प पुग्या हां क मिनख नेम-कायदा का करमाऊँ नइ पण बिस्वास की बजेऊँ धरमी बणै ह।

1 पतरस 3:7

अंय्यांई ओ मोट्यारो, थे बी थारी लूगाया क सागै समजदारीऊँ जीवन जीओ। अर लूगायानै थारूँ कम मजबूत अर जीवन का बरदान म थारी पाँतीवाळ मानर बाकी ईज्जत करो। जिऊँ थारी अरदास म कोई आट नइ आवै।

इबरानीआ 11:9

बिस्वास करबा की बजेऊँई जखी जमीन बिनै देबा को करार दिओ गयो हो बिकै उपर बो एक परदेसी की जंय्यां तम्मू बणार रिह्यो। अंय्यांई इसाक अर याकूब बी रिह्या जखा परमेसर का बिई करार का पाँतीवाळ हा।

इबरानीआ 11:7

बिस्वास करबा की बजेऊँई नूह बा बातानै जखी बि टेम का कोनी दिखरी ही। बानै परमेसर का डर क सागै चितावनी मानर आपका परवारनै बचाबा ताँई झाज बणायो हो, अंय्यां कर बो जगतनै दोसी गिण्यो अर बि धारमिक्‍ता को पाँतीवाळ होयो जखी बिस्वास करबाऊँ आवै ह।

इबरानीआ 6:17

सोगनऊँ परमेसर बिका करार का पाँतीवाळ मिनखानै ओ साप-साप दिखाबो चावै हो क बिको बादो कदैई कोनी टळै। अंय्यां बो सोगनऊँ करारनै पुक्‍तो कर्यो।

गलातियो 4:7

जणा इब थे दास कोनी हो, पण बिका बेटा हो। जणा थे बि बापोत का करेड़ा वादा का पाँतीवाळ हो।

रोमीयो 4:4

काम करबाळानै मजुरी देबो कोई एसान कोनी ह, बो तो बिको हक ह।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

मरकुस 10:17

जद ईसु बठैऊँ निकळर गेला म जार्यो हो बठै एक मिनख भागतो होयो ईसु कनै आयो अर बो गोडा टे'कर हात जोड़र ईसुऊँ बुजबा लाग्यो, “ओ चोखा गरूजी म अजर-अमर जीवन पाबा ताँई काँई करूं?”

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।