तितूस 2:3 - जीवन को च्यानणो (सेकावाटी नया नियम की पोथ्या)

³ अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

तितूस 2:3 Referans Kwoze

तितूस 2:4

जिऊँ क बे जुवान लूगायानै बाका मोट्यार अर टाबरा-टिकराऊँ प्यार करबा, खुदनै बस म राखबा, खुदनै पबितर राखबा, मोट्यार क खया म चालबाळी अर घर बांदबाळी चोखी लूगाई बणबा की सीख दे। जिऊँ कोईबी परमेसरऊँ आबाळा संदेस क बारां म बुरा नइ बोलै।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

1 तिमूतियूस 3:8

बिस्वासी मंडळी का सेवक बी सचा अर ईज्जत हाळा होणा चाए; बे पिसा का भूखा अर घणी अँगूरी पीबाळा नइ हो;

रोमीयो 16:2

क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।

इफिसुस 5:3

थे परमेसर का मिनख हो इ ताँई थारै म कुकरमा की, लुचापुणा की अर लोभ-लालच की चरचा बी नइ होणी चाए;

दरसाव 2:20

क्युंबी हो पण इब बी तेर म एक कमी ह अर बा आ ह क, तू इजेबैल नाम की बि लूगाईनै तेरै बिचमै राखै ह, जखी खुदनै परमेसर की खेबाळी बतावै। अर आपकी सीखऊँ मेरा दासानै कुकरम करबा अर मूरत्या प चढाईड़ा चढावानै खाबा ताँई उकसावै ह।

इबरानीआ 5:12

टेम देखता तो थानै इब ताँई सीखाबाळा होज्याणा चाए हा। पण थानै अंय्यां का मिनख की जुर्त पड़ै ह जखो थानै सरूआतऊँ ओज्यु परमेसर का बचना का सच की सीख देवै। थानै रोटी नइ पण इब ताँई बी दुद किई जुर्त पड़री ह।

1 तिमूतियूस 5:23

पाणीई मना पीआ कर पण पेट अर बारबार होबाळी बिमारी की बजेऊँ चीनिसी अँगूरी बी पी लिआ कर।

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।