तितूस 2:12 - जीवन को च्यानणो (सेकावाटी नया नियम की पोथ्या)

¹² आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

तितूस 2:12 Referans Kwoze

मत्ती 16:24

ईसु चेलानै खेबा लाग्यो, “जखो बी मेरै गेल होबो चावै ह बो खुदनै तज'र, आपकी सुळी उठार मेरै गेल होले।

रोमीयो 6:19

मिनख सुभाव होबा क नातै थे अ बाता कोनी समज सको इ ताँई म आम बोलचाल म समजार्यो हूँ क्युं क जंय्यां थे थारी काया का अंगानै असुद होबा अर अधरमनै बढाबा ताँई एक दास की जंय्यां काम लेता हा, जणा इब आनै धारमिक्‍ता ताँई जखी पबितरता कानि लेज्यावै दास होबा ताँई सूप द्‍यो।

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

1 यहून्ना 2:6

अर जखोबी मिनख आ खेवै ह क, बो परमेसर म मजबूत ह, जणा बिनै ईसु मसी क जंय्यां जीवन जिबो चाए।

2 तिमूतियूस 3:12

जखो बी मिनख मसी ईसु की एकता म धरमी जीवन जिबो चावै ह जणा बिनै जुलम सेह्बो पड़सी।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।

लूका 1:75

अर सगळी उमर आपा रोजकी बिकै सामै पबितर अर धरमी रेह्‍वां।

1 थिसलूनिकी 4:7

क्युं क परमेसर आपानै सूगलो नइ पण पबितर जीवन जीबा ताँई बुलायो ह।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 थिसलूनिकी 4:9

भाईचारा अर प्यार-परेम क बारां म म्हानै मांडबा की कोई जुर्तई कोनी, क्युं क इकै बारां म थे खुदई परमेसरऊँ सीख लिआ हो क कंय्यां आपसरी म प्यार-परेम राखबो चाए।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

रोमीयो 6:12

इ ताँई थारी नसबर काया प पाप को जोर मना चालबा द्‍यो। जिऊँ थे पाप की इंछ्या प कदैई नइ चाल सको।

मत्ती 28:20

म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

1 यहून्ना 2:27

अर जठै ताँई थारी बात ह थारो अभिसेक बिऊँ होयो ह, थार म बण्यो रेह्‍वै ह। इ ताँई थानै तो आ जुर्तई कोनी क कोई थानै सीखावै। पण थानै जखी आत्मा दिनी गई ह बा सक्यु सीखावै ह। बा आत्मा सची ह, बा झूठी कोनी जंय्यां बा थानै सीखावै बंय्यांई करो अर मसी म बण्या रेह्ओ।

2 पतरस 3:11

जदकी अ सगळी चिजा नास होबाळी ह जणा पाछै थे सोचो थारो परमेसर म चाल-चलन किसोक होणो चाए? थानै पबितर जीवन जिबो चाए।

इबरानीआ 8:11

अर इकै पाछै कोईबी आपका पाड़ोसी भाईनै सीख कोनी देसी, अर नइ आपका भाईऊँ खेसी क, ‘परबुनै जाण।’ क्युं क छोटाऊँ लेर बडा ताँई सगळा मनै जाण ज्यासी।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

कलुसीयो 1:22

पण इब, हाड-मास की काया म बिकी मोतऊँ परमेसर थारूँ बी मेळमिलाप कर लिओ। जिऊँ थानै पबितर, बिना कळंक अर निरदोस बणार आपकै सामै लेर आवै।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

भेजेड़ा चेला का काम 24:25

पण जद पोलुस धारमिक्‍ता, खुद प काबू राखबो अर परमेसर को मिनखा प आबाळा न्याय का दिन क बारां म बोलबा लाग्यो जणा फेलिक्स डरगो अर बोल्यो, “इब तो तू जा कदै ओज्यु मोको पड़सीक जणा तनै बुलास्युं।”

भेजेड़ा चेला का काम 24:16

जणाई तो म बी आई कोसिस करूं हूँ की परमेसर अर मिनखा क सामै मेरी अन्तर-आत्मा साप रेह्‍वै।

1 यहून्ना 5:19

आपा आबी जाणा हां क, सगळा जगत का मिनख सेतान क बस म ह, पण आपा परमेसर का हां।

यहून्ना 14:30

इब ओर बेत्ती म थारूँ बात कोनी कर सकूँ क्युं क इ दुनिया को राजा सेतान आर्यो ह, पण मेर प बिको बस कोनी चालै।

यहून्ना 6:25

अर जद बे बिनै झिल क परली पार देख्या, जणा बिऊँ बोल्या, “गरूजी, थे अठै कद आया?”

लूका 1:6

परमेसर की नजर्या म बे दोन्युई धरमी हा अर बे परबु का सगळा हुकमानै मानबा म खरा हा।

यहूदा 1:18

बे थानै खया हा क, “आखरी दिना म अंय्यां का मिनख बी आसी जखा परबु अर बिका मिनखा को तमासो बणासी, परमेसरनै नइ मानबाळा बे मिनख आपकी बुरी इंछ्या गेल मन मरजी करसी।”

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

मत्ती 12:32

अर ज कोई मिनख का बेटानै भलो-बुरो खेवै ह जणा बिनै परमेसर माफ कर सकै ह। पण जखो मिनख पबितर आत्मा क खिलाप क्युं खेवै ह जणा बिनै नइ तो इ जुग म अर नइ आबाळा जुग म माफी ह।

1 तिमूतियूस 6:9

पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।