तितूस 1:9 - जीवन को च्यानणो (सेकावाटी नया नियम की पोथ्या)

⁹ बो बिस्वास जोगा परमेसर का समचार म मजबूती क सागै ठिक बंय्यांई बिस्वास करै जंय्यां क बिनै सीखायो गयो ह। जिऊँ क बो ओरानै बी सची सीखऊँ हिमत बंधा सकै। अर जखा सामै होवै बा मिनखा को मुंडो बंद कर बानै मनवा सकै क बे गळत हीं।

तितूस 1:9 Referans Kwoze

2 थिसलूनिकी 2:15

इ ताँई मेरा लाडला बिस्वास्यो, बिस्वास म मजबूत रेह्ओ अर जखी सीख म्हें थानै बोलर नहिस चिठी म मांडर दिनी ह बापै चालता रेह्ओ।

2 तिमूतियूस 1:13

जखा खरा बचन म तनै सीखायो हूँ बानै डटर थाम्यो रेह अर बानै बि बिस्वास अर परेम क सागै, जखा मसी ईसु म ह, खुद ताँई नमूनो बणार राख।

1 तिमूतियूस 6:3

ज कोई, बि सई अर आपणा परबु ईसु मसी की ईस्बरीय सीखनै, नइ मानै अर क्युं न्यारोई सीखावीं,

1 तिमूतियूस 1:10

कुकरमी, आदमी आदमी क सागै कुकरम करबाळा, मिनखानै बेचबाळा, झूठ बोलबाळा, अर झूठी सोगन खाबाळा, आकै अलावा खरी सीख को बिरोद करबाळा ताँई बताएड़ा ह।

दरसाव 3:3

इ ताँई, जि सीखनै थे सुण्या हा बानै याद करो अर तौबा करो अर बि सीख क गेल चालो। अर ज तू अंय्यां कोनी करसी जणा म चोर की जंय्यां चाणचुक तेरै कनै आज्यास्युं अर तनै बेरो कोनी पड़बा देस्युँ।

1 तिमूतियूस 1:15

आ बात बिस्वास जोगी अर मानबाळी ह क, मसी ईसु इ दुनिया म पाप्यानै बचाबा ताँई आयो हो। जामै सऊँ बडो पापी म हूँ।

तितूस 2:1

तितूस तू बोई सीखा जखो सई ह।

तितूस 1:11

ओ जरूरी होगो ह क बाको मुंडो बंद कर्यो जाय। क्युं क बे पिसा कमाबा क चकरां म आपकी सीखऊँ घर-घरनै सई सीख प बिस्वास कोनी करबा दे।

2 तिमूतियूस 4:3

अंय्यां को टेम आर्यो ह जद मिनख चोखी सीखनै कोनी सुणसी, पण इकी झघा बे खुद ताँई अंय्यां का सीखाबाळा ढुंढलेसी। अंय्यां का सीखाबाळा बानै बे बाताई बतासी जखी सुणबो बानै चोखो लागै ह।

1 थिसलूनिकी 5:21

सगळी बातानै बिचासो अर जखी चोखी ह बानै पकड़्या रेह्ओ।

दरसाव 3:11

म तावळोई आबाळो हूँ। इ ताँई जोक्यु बी तेरै कनै ह बिनै थाम्यो राख जिऊँ कोई तेरो अजर-अमर जीवन को मुकट कोनी खोस सकै।

दरसाव 2:25

पण मेरी सीख जखी थारै कनै ह बिपै चालता रह्यो।’

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

2 तिमूतियूस 2:2

जखी बाता तू मेरूँ बोळा सारका गुवाई देबाळा की मोजूदगी म सुणी ह बा बातानै बिस्वास जोगा मिनखानै सूप दे, जखा दुसरानै सीखाबा जोगा हीं।

1 तिमूतियूस 4:9

आ सची बात ह जखी हर कानिऊँ बिस्वास जोगी अर मानबाळी ह।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

भेजेड़ा चेला का काम 18:28

क्युं क बो सास्तरऊँ “ईसुई मसी ह” इ बातनै साबित कर सगळा मिनखा क सामै यहूदि मिनखा को मुंडो बंद कर दिओ।

1 कुरन्थीयो 14:24

पण ज परमेसरऊँ आएड़ा बोल को सगळा बिस्वासी बारी-बारीऊँ हेलो पाड़ै ह अर बि टेम कोई बिस्वास नइ करबाळा मिनख जखो परमेसर का बरदान क बारां म कोनी जाणै बिस्वासी मंडळी म आज्यावै जणा सगळी बाता जखी थे खेस्यो बे बि मिनखनै बतासी क बो पापी ह अर परमेसर बिनै सजा देसी ज बो पाप का गेलाऊँ नइ फिरै।

2 तिमूतियूस 3:14

पण तू बा बाता प जखी तू सीखी ह, अर जाकै बारां म तनै पक्को बिस्वास ह, आ जाणर की तनै बे बाता सीखाबाळा कूण हा बामै बण्यो रेह।