तितूस 1:5 - जीवन को च्यानणो (सेकावाटी नया नियम की पोथ्या)

⁵ करेत टापू म, म तनै इ ताँई छोडर आयो हो क तू बठै की सगळी बचेड़ी बातानै सुदारै अर मेरी हिदायत गेल हर नगरी म बिस्वासी मंडळी का मुखियानै टाळर जिमेबारी सूपै।

तितूस 1:5 Referans Kwoze

भेजेड़ा चेला का काम 14:23

अर बे सगळी बिस्वासी मंडळ्या म मुखिया टाळ्या अर बरत क सागै अरदास कर बानै परबु क हाता म सूप दिआ जिपै बे बिस्वास कर लिआ हा।

1 तिमूतियूस 1:3

जंय्यां क म मकीदुनिया जाती टेम तनै इफिसुस म रेह्बा ताँई बोल्यो हो, जिऊँ तू क्युंक मिनखानै आदेस दे क, बे झूठी सीख नइ देवै,

1 कुरन्थीयो 14:40

पण अ सगळी बाता सूल एक सई सलिकाऊँ होणी चाए।

2 तिमूतियूस 2:2

जखी बाता तू मेरूँ बोळा सारका गुवाई देबाळा की मोजूदगी म सुणी ह बा बातानै बिस्वास जोगा मिनखानै सूप दे, जखा दुसरानै सीखाबा जोगा हीं।

1 कुरन्थीयो 11:34

अर ज थारै मऊँ कोई भूखो होवै तो बो आपकै घरा जार खाले, जिऊँ थारो भेळो होबो थारै ताँई स्यामत की बजै नइ बणै। अर जखी बाता रेह्गी बानै म आर ठिक करस्युं।

भेजेड़ा चेला का काम 27:21

बोळा दिना ताँई जद बे निरहार हा, जणा पोलुस बामै खड़्यो होर बोल्यो, “ज थे करेतऊँ नइ चालबा को मेरो खयो मान्यो होतो जणा आज इ बिनास अर इ हाणीऊँ बच ज्याता।

भेजेड़ा चेला का काम 27:12

ओ बंदरगा स्याळा ताँई चोखो कोनी हो इ ताँई घणकराक ओई बिचार कर्यो क हो सकै तो कंय्यां जंय्यां फिनिक्स पुगर स्याळा-स्याळा बठैई रेह्‍वां। ओ करेती को अंय्यां को बंदरगा हो जिको मुंडो दिखणाद-पाछुणै अर उतराद-पाछुणै म खुलतो हो।

भेजेड़ा चेला का काम 27:7

म्हें बोळा दिना ताँई सफर कर बोळी मुसकीलाऊँ आखीर क कनिदुस नगरी क सांकड़ै पुग्या। अर भाळ म्हानै आगै कोनी चालबा देरी ही, जणा म्हें सलमोन क सामैऊँ होताहोया करेती का टापू की ओट म चाल्या।

भेजेड़ा चेला का काम 11:30

अर बरनाबास अर साऊल क हाताऊँ यरूसलेम की बिस्वासी मंडळी का मुखिया क कनै थोड़ी घणी मदद भेजी।

कलुसीयो 2:5

बंय्यां तो म कायाऊँ थारूँ दूर हूँ पण आत्माऊँ थारै कनै हूँ, म राजी हूँ अर सुणर्यो हूँ क थे सई ढंगऊँ हो अर मसी म थारो बिस्वास मजबूत ह।

भेजेड़ा चेला का काम 2:11

जामैऊँ जलमजात यहूदि अर यहूदि धरमनै मानबाळा हां, अर आपणा मऊँ क्युंक करेती अर अरबऊँ बी आएड़ा हीं। पण आपा सगळा अठै परमेसर का ताजूब का कामा की चरचा आपणी खुदकी भासा मई सुणर्या हां।”

भेजेड़ा चेला का काम 27:13

अर जद दिखणादि भाळ होळ्या-होळ्या चालबा लागी। जणा बे सोच्या जंय्यां बे चावा हा बंय्यांई होर्यो ह। जणा बे लंगर उठार करेती का किनारै-किनारै झाजनै आगै बढाबा लाग्या।

1 कुरन्थीयो 4:17

इ बजेऊँ म तिमूतियूसनै थारै कनै भेजूँ हूँ जखो परबु म मेरो लाडलो बेटो अर बिस्वास जोगो ह। बो थानै बे बाता याद दिलासी जखी बाता प म मसी म चालू हूँ अर जाकी सीख म सगळी झघा अर सगळी बिस्वासी मंडळ्या म देऊँ हूँ।

तितूस 1:12

करेत टापू को रेह्बाळो बाकोई एक बडको खयो ह, “करेत का रेह्बाळा सदाई झूठ बोलै, अ जंगली ज्यानबर, आळसी अर पेटू हीं।”