तितूस 1:4 - जीवन को च्यानणो (सेकावाटी नया नियम की पोथ्या)

⁴ तितूस, आपणा एकसा बिस्वास की बजेऊँ, तू सचमई मेरो बेटो ह। परम-पिता परमेसर अर आपानै बचाबाळो मसी ईसु तेरै प दया अर स्यांती राखै।

तितूस 1:4 Referans Kwoze

2 तिमूतियूस 1:2

परबु म मेरा लाडला बेटा तिमूतियूस, आ चिठी म तनै मांडूँ हूँ। परम-पिता परमेसर अर आपणा परबु मसी ईसु की किरपा, दया अर स्यांती तेर प होती रेह्‍वै।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

2 कुरन्थीयो 2:13

पण बठै जद मनै बिस्वासी भाईड़ो तितूस कोनी लाध्यो जणा मेरा जीव म तसली कोनी आई। अर म बठैऊँ बिदा होर मकीदुनिया कानि चाल पड़्यो।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!

2 कुरन्थीयो 8:23

अर ज कोई मनै तितूस क बारां म बुजै, तो बो मेरो साती अर थारै ताँई मेरै सागै काम करबाळो मिनख ह। अर जठै ताँई म्हारा बिस्वासी भाईड़ा को सुवाल ह, बे मसी की मेमा ताँई बिस्वासी मंडळ्याऊँ भेजेड़ा दुत हीं।

रोमीयो 1:12

मेरो मतबल ओ ह क, जद म थारै सागै होऊँ जणा थानै मेरा अर मनै थारा बिस्वासऊँ हिमत मिलै।

यहून्ना 4:42

जणा बे मिनख बि लूगाईऊँ बोल्या, “तेरै खेबा की बजेऊँई म्हें बिपै बिस्वास कोनी कर्या, पण म्हें खुद इनै सुणर जाणगा हां क, जगत का मिनखानै बचाबाळो सचमई ओई ह।”

1 यहून्ना 5:14

आपा परमेसर प अंय्यां को बिस्वास करां हां क, जद बिऊँ बिकी इंछ्या गेल अरदास करां हां जणा बो आपणी सुणै ह।

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

2 पतरस 2:20

ज अ मिनख परबु अर छुटकारो देबाळा ईसु मसी की बजेऊँ दुनिया की बुराईऊँ बचाया गया हा इकै वावजुद बी ज बे बुराई करीं हीं जणा आकी दसा पेलड़ी दसाऊँ बेसी बुरी होसी।

तितूस 1:3

परमेसर को बचन सई टेम प परचार कर परगट कर्यो गयो। बोई समचार मनै सूप्यो गयो हो, अर आपानै बचाबाळा परमेसर का हुकमऊँ म इको हेलो पाड़ूँ हूँ।

इफिसुस 1:2

आपणा परम-पिता परमेसर अर परबु ईसु मसी कानिऊँ थानै दया अर स्यांती मिलती रेह।

गलातियो 2:3

तितूस जखो मेरै सागै यरूसलेम आयो हो बिकै यूनानी होबा क वावजुद बि बे बिकी सुन्नत करबा की जोर-जबरदस्ती कोनी कर्या।

2 कुरन्थीयो 12:18

म तितूसऊँ जाबा ताँई हाता जोड़ी करी अर बिकै सागै बिस्वासी भाईड़ानै भेज्यो हो। जणा के थे खे सको हो क, तितूस थारो फाईदो उठायो? नइ! क्युं क म्हारै कनै एकई आत्मा ह, जखी म्हारै म एक जंय्यांई काम करै ह।

2 कुरन्थीयो 8:16

परमेसर को धनेवाद हो, क बो तितूस क हिया म थारै बेई बाई चिंत्या दि जखी म राखूँ हूँ।

2 कुरन्थीयो 8:6

इ ताँई म्हें तितूसनै बोल्या हा क जंय्यां बो दान भेळा करबा का कामनै थारै मांय सरू कर्यो हो, बिनै सूल पूरो करबा म थारी मदद करै।

2 कुरन्थीयो 7:6

पण दुखियारानै स्यांती देबाळो परमेसर तितूसनै म्हारै कनै भेजर म्हारी हिमत बंधाई।

2 कुरन्थीयो 4:13

पबितर सास्तर म मंडेड़ो ह, “म बिस्वास कर्यो जणाई तो म बोल्यो।” बि बिस्वासऊँई म्हें बोलर्या हां क्युं क म्हारै म बिस्वास को आत्मा ह।

लूका 2:11

क्युं क थानै बचाबाळा मसी परबु को जलम आज दाऊद की नगरी म होगो ह।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

1 तिमूतियूस 1:12

म आपणा परबु मसी ईसु जखो मनै ताकत दि ह, बिको गुण-एसान मानू हूँ क, बो मनै बिस्वास जोगो जाणर आपकी सेवा सूपी ह।

2 तिमूतियूस 1:1

इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।