तितूस 1:12 - जीवन को च्यानणो (सेकावाटी नया नियम की पोथ्या)

¹² करेत टापू को रेह्बाळो बाकोई एक बडको खयो ह, “करेत का रेह्बाळा सदाई झूठ बोलै, अ जंगली ज्यानबर, आळसी अर पेटू हीं।”

तितूस 1:12 Referans Kwoze

1 तिमूतियूस 4:2

अर अ सीख झूठा पाखंडी मिनखा की बजेऊँ फेलसी, जाकी अन्तर-आत्मा मरेड़ी ह।

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

भेजेड़ा चेला का काम 17:28

क्युं क क्युंक बोली हीं, ‘बिमैई आपणा पिराण, बिमैई आपा डोला-फिरां हां अर बिमैई आपणो बजूद ह।’ जंय्यां क थारा कबी बोलगा क, ‘आपा बिका टाबर हां।’

2 पतरस 2:15

अ सई गेलानै छोडर भटकगा हीं। अ मिनख बओर का छोरा बिलाम का गेला प चालीं हीं; बिलाम जिनै हराम की कमाई प्यारी ही।

2 पतरस 2:12

पण अ मिनख निरबुदी ज्यानबरा की जंय्यां हीं, जखा को जलम पकड़्या जाबा अर नास होबा ताँई होयो ह। अ मिनख जखी बाता क बारां म जाणैई कोनी बाकै बारां म दुसरा की बुराई करीं हीं, अर जंय्यां ज्यानबर मार्या जावीं हीं बंय्यांई अ मिनख बी मार्या ज्यासी।

भेजेड़ा चेला का काम 2:11

जामैऊँ जलमजात यहूदि अर यहूदि धरमनै मानबाळा हां, अर आपणा मऊँ क्युंक करेती अर अरबऊँ बी आएड़ा हीं। पण आपा सगळा अठै परमेसर का ताजूब का कामा की चरचा आपणी खुदकी भासा मई सुणर्या हां।”

भेजेड़ा चेला का काम 27:7

म्हें बोळा दिना ताँई सफर कर बोळी मुसकीलाऊँ आखीर क कनिदुस नगरी क सांकड़ै पुग्या। अर भाळ म्हानै आगै कोनी चालबा देरी ही, जणा म्हें सलमोन क सामैऊँ होताहोया करेती का टापू की ओट म चाल्या।

भेजेड़ा चेला का काम 27:12

ओ बंदरगा स्याळा ताँई चोखो कोनी हो इ ताँई घणकराक ओई बिचार कर्यो क हो सकै तो कंय्यां जंय्यां फिनिक्स पुगर स्याळा-स्याळा बठैई रेह्‍वां। ओ करेती को अंय्यां को बंदरगा हो जिको मुंडो दिखणाद-पाछुणै अर उतराद-पाछुणै म खुलतो हो।

भेजेड़ा चेला का काम 27:13

अर जद दिखणादि भाळ होळ्या-होळ्या चालबा लागी। जणा बे सोच्या जंय्यां बे चावा हा बंय्यांई होर्यो ह। जणा बे लंगर उठार करेती का किनारै-किनारै झाजनै आगै बढाबा लाग्या।

फलिपी 3:19

अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

तितूस 1:5

करेत टापू म, म तनै इ ताँई छोडर आयो हो क तू बठै की सगळी बचेड़ी बातानै सुदारै अर मेरी हिदायत गेल हर नगरी म बिस्वासी मंडळी का मुखियानै टाळर जिमेबारी सूपै।