रोमीयो 9:22 - जीवन को च्यानणो (सेकावाटी नया नियम की पोथ्या)

²² अंय्यांई परमेसर बी आपकी झाळ अर नफरतनै नास होबाळा प परगट करबो चावै हो। इकै बावजुद बी बो बा झाळ अर नफरत जोगा नास होबाळा ताँई बोळी सबर करी।

रोमीयो 9:22 Referans Kwoze

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

रोमीयो 9:21

के खुमारनै इ बात की छुट कोनी क बो माटी की एक लुगदीऊँ एक बरतननै खास मकसद ताँई अर दुसरानै छोटा मोटा काम म आबा ताँई बणावै?

2 तिमूतियूस 2:20

बडा घर म भात-भात का बरतन होवीं हीं, क्युं लकड़ी अर चिकणी माटी का बणेड़ा अर क्युं सोना अर चाँदी का, क्युं खास मोका ताँई अर क्युं घर म रोजकी बरतबा ताँई।

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।

रोमीयो 9:17

क्युं क सास्तर म परमेसर फिरोनऊँ बोल्यो हो, “म तनै इ ताँई खड़्यो कर्यो क, म मेरी सक्‍ति तेरै प दिखा सकूँ अर मेरा नाम को हेलो सगळी धरती प पाड़्यो जावै।”

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

1 थिसलूनिकी 5:9

क्युं क परमेसर आपणा प आपकी झाळ काडबा ताँई नइ पण परबु ईसु मसी क जरिए पापऊँ छुटकारो पाबा ताँई टाळ्या ह।

2 पतरस 3:15

अर आपणा परबु का थ्यावसनै छुटकारो समजो, जंय्यां की म्हारो लाडलो भाईड़ो पोलुस बि ज्ञान गेल जखो बिनै मिल्यो हो थानै मांड्यो हो।

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।

रोमीयो 1:18

परमेसर की झाळ ईस्बर नगरीऊँ मिनखा का हरेक पाप अर बुराई क खिलाप परगट होवै ह, जखा बुराईऊँ सचनै दबावै ह।

रोमीयो 9:20

मिनख कूण होवै ह जखो परमेसरनै ओटो जुबाब देवै? के कोई हात की बणाएड़ी चिज बिका बणाबाळानै बुज सकै ह क, “तू मनै अंय्यां क्युं बणायो?”