रोमीयो 8:9 - जीवन को च्यानणो (सेकावाटी नया नियम की पोथ्या)

⁹ ज थारै म परमेसर को पबितर आत्मा बास करै ह जणा थे काया का सुभाव गेल कोनी जीओ पण पबितर आत्मा गेल जीओ हो। क्युं क जिमै मसी को पबितर आत्मा बास कोनी करै बो मसी को कोनी।

रोमीयो 8:9 Referans Kwoze

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

1 कुरन्थीयो 3:16

थे जाणो कोनी के थे परमेसर का मनदर हो अर परमेसर की पबितर आत्मा थारै म रेह्‍वै ह?

2 तिमूतियूस 1:14

पबितर आत्मा की बजेऊँ जखो आपणा म बास करै ह आ चोखी चिजा की रूखाळी कर जखी तनै सूपी गई ही।

1 कुरन्थीयो 6:19

अर थे ओ कोनी जणो के थारी काया पबितर आत्मा को मनदर ह आ आत्मा थारै मांयनै रेह्‍वै ह जिनै परमेसर थानै दिओ ह। थे खुदका कोनी हो, पण परमेसर का हो।

रोमीयो 8:11

अर ज बो पबितर आत्मा जखो मसी ईसुनै मरेड़ा मऊँ जीवायो हो, थारै मांयनै बास करै ह जणा बो, जखो मसी ईसुनै मरेड़ा मऊँ ओज्यु जीवायो हो थारी नसबर कायानै आपकी पबितर आत्माऊँ जखी थारै मांयनै बास करै ह ओज्यु जीवासी।

यहून्ना 14:17

बा पबितर आत्मा ह, जखी परमेसर की सचाई थार प परगट करसी। बा इ दुनियानै कोनी मिल सकै, क्युंक आ दुनिया बिनै नइ तो देख सकै अर नइ जाण सकै, पण थे बिनै जाणस्यो, क्युंक बा थारै सागै थारै मांयनै रेह्सी।

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

इफिसुस 2:22

अर थेबी ईसु मसी म मनदर होबा ताँई बणाया जार्या हो जिमै परमेसर बिकी पबितर आत्मा क जरिए बास करै ह।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

यहून्ना 3:6

मिनख मिनखनै जलम दे सकै ह, पण बा पबितर आत्मा ह जिकै जरिए बो आत्मिक रूप म जलमै ह।

फलिपी 1:19

क्युं क म, इ बातनै आछ्यां जाणू हूँ क, थारी अरदास अर ईसु मसी की पबितर आत्मा कानिऊँ मिलेड़ा साराऊँ म केदऊँ छुट जास्युं।

1 यहून्ना 4:13

अर आपानै पूरो बिस्वास बी ह क बो आपणा म बास करै ह अर आपा बी बिकै सागै चालां हां क्युं क बो आपानै खुदकी पबितर आत्मा दिओ ह।

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

1 यहून्ना 4:4

ओ टाबरो, थे परमेसर का हो। इ ताँई थे झूठा परमेसर की खेबाळानै जीत लिआ हो। क्युं क थारै मांयनै रेह्बाळो परमेसर, इ दुनिया म रेह्बाळा सेतानऊँ बडो ह।

1 कुरन्थीयो 15:23

पण आपणा सगळा को बी सरो आसी। सऊँ पेली परमेसर मसीनै मरेड़ाऊँ जीवायो अर जद ईसु ओज्यु आसी जणा परमेसर बा सगळानै जीवासी जखा मसीऊँ जुड़ेड़ा हीं।

1 यहून्ना 3:24

अर जखोबी मिनख परमेसर का हुकमानै मानै ह, बिकै मांयनै परमेसर को बास रेह्‍वै ह अर बो मिनख परमेसर म बण्यो रेह्‍वै ह। अर पबितर आत्मा की बजेऊँई जखी आपानै दि गई, आ जाण ज्यावां हां क आपणै मांयनै परमेसर को बास ह।

2 कुरन्थीयो 6:16

परमेसर का मनदर को मूरत्याऊँ काँई नातो? क्युं क आपा खुदई जीवता परमेसर का मनदर हां, जंय्यां बो खुदई खयो हो, “म बामै रेह्ऊँ हूँ, बामै चालू फिरूँ हूँ। म बाको परमेसर हूँ, बे मेरा मिनख हीं।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

दरसाव 20:15

अर जिको बी नाम जीवन की पोथी म मांडेड़ो कोनी मिल्यो बिनै बी इ आग का कूंड म गेर दिओ गयो।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

2 कुरन्थीयो 10:7

थे तो बा चिजानैई देखो हो जखी आँख्या क सामै ह। अर ज कोई खेवै क मनै बिस्वास ह क म मसी को हूँ। जणा बिनै आ बी मान लेणो चाए क जंय्यां बो मसी को ह जणा म्हें बी मसी का हां।

यहून्ना 14:23

ईसु बिऊँ बोल्यो, “जखा मेरूँ परेम करी हीं, बे मेरा खयानै मानसी। परम-पिता बाऊँ परेम करसी अर म्हें आर बाकै सागै रेहस्यां।

भेजेड़ा चेला का काम 16:7

बे मूसिया क कनै पुगर बितूनिया जाबो चावा हा पण ईसु की पबितर आत्मा बानै बठै बी जाबा कोनी दि।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।

रोमीयो 8:1

जणा इब मसी ईसु म जिबाळा ताँई कोई दंड कोनी,

1 कुरन्थीयो 6:17

पण जखो परबु म मगन रेह्‍वै ह बो परबु की आत्मा क सागै एक होज्यावै ह।

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।