रोमीयो 8:6 - जीवन को च्यानणो (सेकावाटी नया नियम की पोथ्या)

⁶ काया की बाता प मन लगाबो तो मरबो ह, पण पबितर आत्मा प मन लगाबो जीवन अर स्यांती ह।

रोमीयो 8:6 Referans Kwoze

गलातियो 6:8

क्युं क जखो काया की बुरी इंछ्या ताँई बोवै ह बो आपकी काया की बजेऊँ नास होबाळी फसल काटसी। पण जखो पबितर आत्मा ताँई बोवै ह बो पबितर आत्मा की बजेऊँ अजर-अमर जीवन की फसल काटसी।

रोमीयो 8:7

काया प मन लगाबो तो परमेसरऊँ बेर बांदबो ह, क्युं क आ नइ तो परमेसर का नियमा प चालै अर नइ कदै चाल सकै।

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

रोमीयो 6:21

अर थे खुद जाणो हो क बि टेम थानै कंय्यां को फळ मिल्यो? जिकी बजेऊँ आज थे सरमिंदा हो अर जिको आखरी फळ मोत ह।

रोमीयो 14:17

क्युं क परमेसर को राज खाबो-पीबो कोनी पण बो तो धारमिक्‍ता, स्यांती अर पबितर आत्माऊँ मिलबाळो सुक ह।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

रोमीयो 7:11

क्युं क पापनै मोको मिलगो अर बो नेम-कायदा क हुकम क जरिए मनै छळ्यो अर मनै मार गेर्यो।

रोमीयो 5:10

क्युं क बि टेम का जद आपा परमेसर का बेरी हा, जणा परमेसर आपका बेटा की मोत क जरिए आपणो मेळमिलाप खुदऊँ कर्यो। अर इब जद आपणो मेळमिलाप होगो जणा मसी क जिबाऊँ पक्काई बचाया ज्यास्यां।

रोमीयो 5:1

आपा बिस्वास की बजेऊँ धरमी होगा हां, इ ताँई परबु ईसु मसी क जरिए आपणो मेळमिलाप परमेसरऊँ ह।

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

रोमीयो 8:27

पण बो हियानै जाणबाळो जाणै ह क पबितर आत्मा की मनस्या काँई ह? क्युं क परमेसर की इंछ्याऊँई पबितर आत्मा परमेसर का मिनखा ताँई बिचोली करै ह।