रोमीयो 8:3 - जीवन को च्यानणो (सेकावाटी नया नियम की पोथ्या)

³ नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

रोमीयो 8:3 Referans Kwoze

भेजेड़ा चेला का काम 13:39

थानै नेम-कायदा गेल छुटकारो कोनी मिल सकै, पण जखो बी बिपै बिस्वास करसी बिनै सगळा पापऊँ अजाद कर्यो जासी अर परमेसर क सामै धरमी बणायो जासी।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

इबरानीआ 10:14

क्युं क बो एकर का चढावा की बजेऊँ बानै जखा पबितर कर्या जार्या हीं सदा-सदा ताँई सिद कर दे।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

रोमीयो 6:6

क्युं क आपा आ जाणा हां क इ नसबर काया को आपणो पुराणीयो जीवन ईसु क सागै सुळी प चढा दिओ गयो हो, जिऊँ पापऊँ भरी आपणी काया नास होज्यावै। अर आपा आगैऊँ पाप का गुलाम नइ होवां।

गलातियो 3:21

के जणा नेम-कायदा परमेसर का करेड़ा करार क खिलाप ह? अंय्यां पक्काई कोनी! क्युं क ज नियमानै मानबा की बजेऊँ परमेसरऊँ आपानै जीवन मिलतो, जणा सचमई नेम-कायदाऊँ पाप धुप जाता।

रोमीयो 8:32

जखो आपका बेटानै बी आपणा सगळा ताँई मरबानै दे दिओ। जणा पाछै बो बिकै सागै आपानै सक्यु क्युं कोनी देसी?

रोमीयो 3:20

नेम-कायदा का काम करबाऊँ कोईबी मिनख परमेसर क सामै धरमी कोनी हो सकै। क्युं क नेम-कायदाऊँ तो पाप की पिछाण होवै।

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

फलिपी 2:7

पण सक्यु तज'र गुलाम को सुभाव धर'र मिनख रूप म जलम लिओ। अंय्यां मिनख होर

इबरानीआ 10:12

पण ईसु मसी तो एक याजक क रूप म एकरई पाप क बदलै सदा ताँई को चढाओ चढार परमेसर क दायणै हात जार बेठगो।

इबरानीआ 4:15

क्युं क आपणो म्हायाजक अंय्यां को कोनी जखो आपणी कमजोरीनै म्हेसुस कोनी कर सकै; क्युं क बिनै सगळी बाता म आपणी जंय्यां बिचास्यो गयो हो जणा बी बिमै कोई पाप कोनी लाध्यो।

इबरानीआ 2:17

इ ताँई बिनै हर बात म मिनखा जंय्यां को बणायो गयो, जिऊँ बो परमेसर की सेवा करबा ताँई दया करबाळो अर बिस्वास जोगो म्हायाजक बणै। अर मिनखा को परमेसरऊँ ओज्यु मेळ कराबा ताँई बलि होवै।

रोमीयो 9:3

ज मेरा बस म होतो क, म मेरा यहूदि भाई-भाणा अर मेरा देस का मिनखा ताँई सराप खुद प ले लेतो, अर मसीऊँ न्यारो होज्यातो।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

यहून्ना 9:24

दुसरका बे, बि मिनखनै बुलाया जखो जलमऊँ आँदो हो अर बिऊँ बोल्या, “तनै आँख्या मिली इ ताँई परमेसर की जे-जैकार कर! बि मिनख को नइ क्युं क म्हें जाणा हा बो मिनख पापी ह।”

मरकुस 15:27

ईसु क सागै दो डाकू बी सुळी चढाया गया एक ईसु क दाया नाकै अर दुसरो बाया नाकै लटकायो गयो।

रोमीयो 7:18

हाँ म जाणू हूँ क मेरा पापी मिनख सुभाव म कोईबी चोखी चिज को बास कोनी। भलाई करबा की इंछ्या तो मेरै मांयनै ह पण भलाई का काम मेरूँ कोनी होवै।