रोमीयो 8:15 - जीवन को च्यानणो (सेकावाटी नया नियम की पोथ्या)

¹⁵ क्युं क जखी आत्मा थानै दि गई ह, बा थानै ओज्यु दास बणाबा नहिस डराबा ताँई कोनी पण आपानै बिकी ओलाद बणाबा ताँई ह जिऊँ आपा “अब्बा, परम-पिता” खेर बुलावां हां।

रोमीयो 8:15 Referans Kwoze

2 तिमूतियूस 1:7

परमेसर आपानै डर की आत्मा कोनी दि पण ताकत, परेम अर खुदनै काबू म राखबा की आत्मा दि ह।

1 कुरन्थीयो 2:12

आपानै इ दुनिया की आत्मा कोनी मिली पण परमेसर की भेजेड़ी पबितर आत्मा मिली ह, जिऊँ बा बातानै अरामऊँ जाण सकां जखी परमेसर आपानै खुला हियाऊँ दि ह।

रोमीयो 8:16

पबितर आत्मा खुद आपणी आत्मा क सागै मिलर गुवाई देवै ह क आपा परमेसर की ओलाद हां।

इबरानीआ 2:15

अर जत्ता बी आपकै जीता-जीव मोत का डर की गुलामी म हा बानै छुड़ावै।

इफिसुस 1:5

पेल्याऊँई आ ते करलिनी ही क ईसु मसी म आपा बिका गोद लियड़ा टाबर होवां, आई बिकी खुसी अर मकसद हो।

1 यहून्ना 4:18

जखो मिनख परेम करै ह बो डरै कोनी क्युं क परेम डरनै दूर करै ह। डर को सागो सजाऊँ ह, इ ताँई जखोबी मिनख डरै ह बिमै परेम कदैई कोनी हो सकै।

मरकुस 14:36

अर बो बोलबा लाग्यो, “अब्बा ओ परम-पिता थारै ताँई क्युंई ओखो कोनी। इ दुख का कचोळानै मेरूँ नाकै कर दे, पण जंय्यां म चाऊँ बंय्यां नइ हो पण जंय्यां तू चावै बंय्यांई होवै।”

रोमीयो 8:23

आ सरस्टिई नइ पण आपा बी जानै पबितर आत्मा को पेलो फळ मिल्यो हो, मांय-मांय घुटता रिह्या हां। क्युं क आपा इ बातनै उडिकर्या हां क बो आपानै आपकी ओलाद की जंय्यां अपणावै अर काया को छुटकारो होज्यावै।

लूका 11:2

बो बाऊँ बोल्यो, “जद थे अरदास करो जणा अंय्यां बोलज्यो: परम-पिता, थारो पबितर नाम उचो मान्यो जाय, थारो राज आवै।

यहून्ना 20:17

ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”

लूका 22:42

“परम-पिता ज थे चाओ तो इ दुख का कचोळाऊँ मनै बचा सको हो, पण मेरी नइ थारी इंछ्या पूरी होणी चाए।”

यहून्ना 16:8

अर जद बो आसी जणा आ साबित करसी क पाप, धारमिक्‍ता अर परमेसर का न्याय क बारां म इ जगत का मिनख गळत ह।

भेजेड़ा चेला का काम 16:29

जणा बो मसाल मंगार मांयनै गयो अर धुजतो-धुजतो पोलुस अर सीलास क पगा म पड़गो।

भेजेड़ा चेला का काम 2:37

अत्ती सुणताई बे पाणी-पाणी होगा अर पतरस अर दुसरा भेजेड़ा चेलाऊँ बुजबा लाग्या क, “यहूदि भाईड़ो इब म्हानै काँई करबो चाए।”

लूका 8:37

जणा गिरासेनिया का रेह्बाळा ईसुऊँ हात जो'ड़र बोल्या क, “तू अठैऊँ चल्यो जा।” क्युं क बे सगळा डरग्या हा जणा ईसु न्याव म बेठर चालबा लाग्योक

लूका 8:28

ईसुनै देखर बो बिका पगा म पड़गो अर जोर-जोरऊँ बार घालतो बोल्यो, “थारो म्हारो काँई लेणदेण? ओ परमपिता परमेसर का बेटा ईसु म थारै हात जोड़ूँ मनै दिन मना घालै।”

याकूब 2:19

तू बिस्वास करै ह क एकई परमेसर ह। चोखी बात ह! पण ओ बिस्वास तो ओपरी बलाय बी करै ह अर धुजै ह।

रोमीयो 8:26

अंय्यांई पबितर आत्मा आपणी कमजोरी म आपणी मदद करै ह, क्युं क आपा कोनी जाणा क आपा कूणसी रीतऊँ अरदास करां हां। पण पबितर आत्मा खुद कुराणर जिको बखान कोनी कर सकां आपणा ताँई अरदास करै ह।

रोमीयो 9:4

जखा इजरायल का हीं अर जानै परमेसर की ओलाद होबा को अधिकार ह। जखा परमेसर की मेमा को दरसण कर लिआ हीं। जखा परमेसर का करारा का भागी हीं। जानै नेम-कायदो, सची भगती अर बचन दियड़ा हीं।

2 कुरन्थीयो 11:4

म्हें जि ईसु क बारां म थानै बताया हा अर जखी पबितर आत्मा थानै मिली अर जखो चोखो समचार थे मान्या बिकै अलावा ज थे कोई मिनखनै दुसरा ईसु क बारां म बोलबा द्‍यो जणा इको मतबल ओई ह क थे ओरई ईसुनै, ओरई चोखा समचारनै अर ओरई आत्मानै मानबा अर लेबा ताँई राजी हो।

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

गलातियो 5:1

मसी आपानै अजाद रेह्बा ताँई अजाद कर्यो हो, जणा मसी मई बण्या रेह्‍वो। अर गुलाम बणाबाळी बाता म ओज्यु मना जाओ।

मत्ती 25:25

इ ताँई म डरगो अर इ धननै लेज्यार जमीन म गाड दिओ। ओ ल्यो थारो धन।’