रोमीयो 8:1 - जीवन को च्यानणो (सेकावाटी नया नियम की पोथ्या)

¹ जणा इब मसी ईसु म जिबाळा ताँई कोई दंड कोनी,

रोमीयो 8:1 Referans Kwoze

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

रोमीयो 5:1

आपा बिस्वास की बजेऊँ धरमी होगा हां, इ ताँई परबु ईसु मसी क जरिए आपणो मेळमिलाप परमेसरऊँ ह।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

यहून्ना 5:24

“म थारूँ सची बोलुँ हूँ, जखा मेरी सुणर मनै भेजबाळा प बिस्वास करीं हीं, अजर-अमर जीवन बाको ह अर बो मिनख सजाऊँ बचज्यासी। बो मोतऊँ पार होर जीवन म बड़गो ह।

यहून्ना 15:4

थे मेर म बण्या रेह्ओ, जणा म बी थारै म बण्यो रेहस्युं। एक डाळी खुदऊँ कोनी फळ सकै, फळबा ताँई बिनै बोजा म लाग्यो रेह्णो पड़ै ह। अंय्यांई थे मेरै बिना कोनी फळ सको।

फलिपी 3:9

अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

रोमीयो 8:14

जखा परमेसर की पबितर आत्मा गेल चालीं हीं बे परमेसर की ओलाद हीं।

1 कुरन्थीयो 15:22

आदम का करम को फळ मोत बिकी सगळी ओलादा प बी लागू होई बंय्यांई मसी का करम को फळ मोतऊँ जि उठबो बा सगळा प लागू होवै जखा मसीऊँ जुड़ेड़ा हीं।

गलातियो 5:16

म थारूँ खेऊँ हूँ, ज थे पबितर आत्मा क कह्या गेल भेवार करस्यो, जणा काया की बुरी इंछ्यानै बस म राखस्यो।

रोमीयो 8:4

जिऊँ नेम-कायदा की जुर्त आपणा म पूरी होज्यावै क्युं क आपा मिनख सुभाव की बिधीऊँ नइ पण पबितर आत्मा की बिधी गेल जीवां हां।

रोमीयो 8:39

अर नइ उचाई अर नइ गेराई अर नइ सरस्टि की कोई चिज आपानै परमेसर का बि परेमऊँ न्यारो कर सकै जखो आपणा परबु मसी ईसु म ह।

गलातियो 5:25

अर ज आपा पबितर आत्मा क कह्या गेल जीवां हां जणा पबितर आत्मा गेल भेवार बि करां।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

यहून्ना 14:20

बो दिन आसी जणा थे जाण जास्यो, क म परम-पिता म अर थे मेर म, बंय्यांई म थारै म हूँ।

रोमीयो 7:20

अर ज म बे काम करूं हूँ जखा करबो कोनी चाऊँ जणा सचमई बिनै करबाळो म कोनी हूँ पण पाप ह जखो मेरै मांयनै बास करै ह।

रोमीयो 7:17

पण सचमई करबाळो म कोनी पण मेरै मांयनै बसेड़ो बो पापई ह।

2 कुरन्थीयो 12:2

बरसा पेली एक मिनखनै जखो मसी म ह, बिनै ईस्बर नगरी म तीसरी उची झघा म उठा लिओ गयो हो। म कोनी जाणू बिनै काया म नहिस बिना काया क, आतो परमेसरई जाणै।

रोमीयो 16:7

मेरा देसवासी अंडरोनीकुस अर यूनिया जखा मेरै सागै जेळ म हा, भेजेड़ा चेला म नामी ह अर जखा मेरूँ पेल्याई मसी म आगा हा, बानै मेरो नमस्कार।

रोमीयो 16:3

मसी ईसु म मेरा साती परसकीला अर अकविलानै मेरो नमस्कार खिज्यो।

रोमीयो 5:16

अर ओ बरदान आदम का पापऊँ आया फळ की जंय्यां को कोनी ह। क्युं क दंड ताँई न्याय को आबो एक पाप क पाछै होयो हो। पण ओ बरदान जखो पाप की माफी कानि लेज्यावै ह, बोळा पाप क पाछै आयो हो।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

रोमीयो 8:9

ज थारै म परमेसर को पबितर आत्मा बास करै ह जणा थे काया का सुभाव गेल कोनी जीओ पण पबितर आत्मा गेल जीओ हो। क्युं क जिमै मसी को पबितर आत्मा बास कोनी करै बो मसी को कोनी।

रोमीयो 8:11

अर ज बो पबितर आत्मा जखो मसी ईसुनै मरेड़ा मऊँ जीवायो हो, थारै मांयनै बास करै ह जणा बो, जखो मसी ईसुनै मरेड़ा मऊँ ओज्यु जीवायो हो थारी नसबर कायानै आपकी पबितर आत्माऊँ जखी थारै मांयनै बास करै ह ओज्यु जीवासी।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

इफिसुस 1:1

म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ।