रोमीयो 7:8 - जीवन को च्यानणो (सेकावाटी नया नियम की पोथ्या)

⁸ पण मोको मिलताई पाप, हुकमा को फाईदो उठार मेरै मांयनै हरेक लालच भर दिओ। बिना नेम-कायदा क पाप तो मरेड़ो ह।

रोमीयो 7:8 Referans Kwoze

रोमीयो 7:11

क्युं क पापनै मोको मिलगो अर बो नेम-कायदा क हुकम क जरिए मनै छळ्यो अर मनै मार गेर्यो।

1 कुरन्थीयो 15:56

आपा मरा हां क्युं क आपा पाप करां हां, अर आपणै कनै नेम-कायदो ह जिकी बजै आपा जाणा हां क पाप करां हां।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

रोमीयो 7:13

जणा पाछै इको काँई मतबल होयो क जखो चोखो ह बोई मेरी मोत की बजे बण्यो? नइ, कदैई नइ! पण पाप बि चोखा क जरिए मेरी मोत की बजे इ ताँई बण्यो क पापनै पिछाण्यो जा सकै जिऊँ नेम-कायदा का हुकम क जरिए पाप ओर बी बढगो।

रोमीयो 5:20

नेम-कायदा इ ताँई आया क पाप बढ सकीं। पण जठै पाप बढ्यो बठै परमेसर की दया इऊँ ओर बी ज्यादा बढी।

यहून्ना 15:22

ज म नइ आयो होतो अर बाका पाप क बारां म नइ बतायो होतो जणा बापै कोई बात को दोस कोनी लागतो पण इब बाकन इऊँ बचबा को क्युंई भानो कोनी।

रोमीयो 7:17

पण सचमई करबाळो म कोनी पण मेरै मांयनै बसेड़ो बो पापई ह।

यहून्ना 15:24

ज म बाकै बिचमै बे काम कोनी करतो जखा म कर्या हीं जणा बे पाप का भागी कोनी होता। पण इब जद बे बा कामानै देख लिआ हीं, जणा बी बे मेरूँ अर मेरा परम-पिताऊँ, म्हारै दोन्याऊँ बेर राखै ह।

मरकुस 7:22

व्यबिचार, लोभ, कमिणोपुणो, दोगलोपुणो, ठगणो, बेहूदोपुणो, बळोकड़ोपूणो, कोईकी बुराई करबो, गुमान अर गोबुपुणो (मोथोपुणो) बारनै निकळ ह।

रोमीयो 3:20

नेम-कायदा का काम करबाऊँ कोईबी मिनख परमेसर क सामै धरमी कोनी हो सकै। क्युं क नेम-कायदाऊँ तो पाप की पिछाण होवै।

रोमीयो 7:9

बो एक टेम हो जद म बिना नेम-कायदा क जिंदो हो। पण जद हुकम आया जणा पाप जीगो अर म मरगो।