रोमीयो 7:6 - जीवन को च्यानणो (सेकावाटी नया नियम की पोथ्या)

⁶ पण इब आपानै नेम-कायदाऊँ छुटकारो दे दिओ गयो ह जिकै बंदण म आपा बंदर्या हा अर आपा बि नेम-कायदा ताँई मरलिआ। जिऊँ बि पुराणा मंडेड़ा नेम-कायदाऊँ नइ पण पबितर आत्मा की नएड़ी रीत गेल सेवा करां।

रोमीयो 7:6 Referans Kwoze

2 कुरन्थीयो 3:6

अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

रोमीयो 7:4

जणा मेरा लाडला बिस्वास्यो सुणो, मसी की काया क जरिए नेम-कायदा ताँई थे बी मरेड़ा हो। जणा इब थे बी ओराऊँ नातो राख सको हो, बिऊँ जिनै मरेड़ा मऊँ ओज्यु जीवायो गयो जिऊँ आपा परमेसर ताँई फळां-फुलां।

रोमीयो 6:4

जणा बिकी मोत को बतिस्मो लेबाऊँ आपा बी बिकै सागैई गाड्या गया हा, अर जंय्यां परम-पिता की मेमा भरी सक्‍ति क जरिए मसीनै मरेड़ा मऊँ जीवायो गयो हो बंय्यांई आपा बी एक नयो जीवन जीवां।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

कलुसीयो 3:10

अर नएड़ा सुभावनै ध्यार लिओ ह। अर थे परमेसर का गुण अर बिका सगळा ज्ञान म दिन-दिन बढता जाओ।

गलातियो 6:15

क्युं क नइ तो सुन्नत कराबाळा अर नइ सुन्नत नइ कराबाळा क्यु ह, पण जखी बात माईनो राखै ह बा ह क, सगळा नई सरस्टि ह।

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

रोमीयो 6:22

पण इब थानै पाप का बंदणाऊँ छुटा लिओ गयो ह, अर थे परमेसर का दास बणगा हो, जणा जखी खेती थे काटर्या हो बा थानै पबितरता म लेज्यावै ह जिको आखरी फळ अजर-अमर जीवन ह।

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

रोमीयो 7:1

मेरा लाडला बिस्वास्यो, थे जाणोई हो, म बानै बोलुँ हूँ जखा नेम-कायदानै जाणी हीं, नेम-कायदा कोई मिनख प बिकै जीताजीई राज करै ह।

रोमीयो 6:2

कदैई नइ, आपा जखा पाप ताँई मरगा हां, पाप म कंय्यां जिस्यां?

रोमीयो 6:19

मिनख सुभाव होबा क नातै थे अ बाता कोनी समज सको इ ताँई म आम बोलचाल म समजार्यो हूँ क्युं क जंय्यां थे थारी काया का अंगानै असुद होबा अर अधरमनै बढाबा ताँई एक दास की जंय्यां काम लेता हा, जणा इब आनै धारमिक्‍ता ताँई जखी पबितरता कानि लेज्यावै दास होबा ताँई सूप द्‍यो।

रोमीयो 6:11

अंय्यांई थे थारै ताँई बी सोचो क थे पाप ताँई मरमरागा पण मसी ईसु म परमेसर ताँई जिर्या हो।

रोमीयो 1:9

परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ।

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

रोमीयो 7:2

जंय्यां एक ब्याईड़ी लूगाई काण कायदा गेल आपका मोट्यार क सागै बिकै जीताजीई बंधेड़ी ह, ज बिको मोट्यार मरज्यावै जणा बा ब्या का सगळा काण कायदाऊँ अजाद होज्यावै।

इफिसुस 4:24

अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।