रोमीयो 7:25 - जीवन को च्यानणो (सेकावाटी नया नियम की पोथ्या)

²⁵ आपणा परबु ईसु मसी क जरिए म परमेसर को धनेवाद करूं हूँ। क्युं क इ मिनख सुभाव की काया म तो म पाप की सेवा करूं हूँ पण मेरी बुदीऊँ परमेसर का नेम-कायदा की सेवा करूं हूँ।

रोमीयो 7:25 Referans Kwoze

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

1 पतरस 2:5

जणा इब थे बी जीवता भाठा की जंय्यां हो, जाऊँ परमेसर आपको आत्मिक घर बणार्यो ह। थे पबितर याजक बी हो, जखा आपका आत्मिक चढावानै ईसु मसी क जरिए परमेसरनै राजी करबा ताँई चढाओ हो।

1 कुरन्थीयो 15:57

पण परमेसर को धनेवाद ह क बो आपानै परबु ईसु मसी क जरिए मोत प जीत दिलावै ह।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

रोमीयो 6:14

थार प पाप को राज कोनी हो सकै क्युं क थे नेम-कायदा क साराऊँ कोनी जीओ पण परमेसर की दया क साराऊँ जीओ हो।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

2 कुरन्थीयो 9:15

बि बरदान ताँई परमेसर को धनेवाद जिको बखान कोनी कर्यो जा सकै।

मत्ती 1:21

बा एक बेटो जलमसी जखो आपका मिनखानै बाका पापऊँ बचासी। तू बिको नाम ईसु राखजे, जिको मतबल ह! परबु आपका मिनखानै बचावै।”

फलिपी 4:6

कोईबी बात की चिंत्या मना करो, पण परमेसर को सगळी बात ताँई दिलऊँ धनेवाद करता होया थानै जखो चाए ह बि ताँई बिऊँ अरदास अर बिणती कर माँगता रह्यो।

इफिसुस 5:20

अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।