रोमीयो 7:23 - जीवन को च्यानणो (सेकावाटी नया नियम की पोथ्या)

²³ पण म मेरी काया म ओरई नेम-कायदानै काम करता देखूँ हूँ जखो मेरी सोच प राज करबाळा नेम-कायदाऊँ लड़ै ह। अर मनै पाप का नेम-कायदा को केदि बणा लेवै ह, अ नेम-कायदा मेरी काया म काम करै ह।

रोमीयो 7:23 Referans Kwoze

गलातियो 5:17

क्युं क काया की बुरी इंछ्या पबितर आत्मा क खिलाप मो राखै अर पबितर आत्मा काया की बुरी इंछ्या क खिलाप मो राखै ह। अर अ दोन्युई एक दुसरा क खिलाप म हीं। जणाई तो थे जोक्यु करबो चाओ हो बो कोनी कर सको।

याकूब 4:1

थारै मांयनै राड़ अर कळै कठैऊँ आगी? अंय्यां होबा की बजे थारी बुरी इंछ्या ह जखी थारै मांयनै राड़ अर कळै करावै ह।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

रोमीयो 6:19

मिनख सुभाव होबा क नातै थे अ बाता कोनी समज सको इ ताँई म आम बोलचाल म समजार्यो हूँ क्युं क जंय्यां थे थारी काया का अंगानै असुद होबा अर अधरमनै बढाबा ताँई एक दास की जंय्यां काम लेता हा, जणा इब आनै धारमिक्‍ता ताँई जखी पबितरता कानि लेज्यावै दास होबा ताँई सूप द्‍यो।

रोमीयो 7:25

आपणा परबु ईसु मसी क जरिए म परमेसर को धनेवाद करूं हूँ। क्युं क इ मिनख सुभाव की काया म तो म पाप की सेवा करूं हूँ पण मेरी बुदीऊँ परमेसर का नेम-कायदा की सेवा करूं हूँ।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

इबरानीआ 12:4

थानै पाप क सागै थारी राड़ म अत्तोबी अड़बो कोनी पड़्यो क थारो लोय बाहणो पड़ै।

रोमीयो 7:21

जणा म मेरै मांयनै ओ नियम पाऊँ हूँ क, म जद बी चोखो करबो चाऊँ जणा म मेर म बुराई पाऊँ हूँ।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।

रोमीयो 6:13

थारी काया का अंगानै अधरम का सादन होबा ताँई पाप क हाता म मना द्‍यो, पण मरेड़ा मऊँ जी उठबाळा की जंय्यां परमेसर क हाता म द्‍यो। अर थारी काया का अंगानै धरम का सादन होबा ताँई परमेसरनै सूप द्‍यो।

रोमीयो 7:14

क्युं क आपा जाणा हां क नेम-कायदा आत्मिक ह पण म हाड-मास को मिनख हूँ जखो पाप की गुलामी ताँई बिकेड़ो हूँ।

याकूब 3:2

क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।