रोमीयो 7:18 - जीवन को च्यानणो (सेकावाटी नया नियम की पोथ्या)

¹⁸ हाँ म जाणू हूँ क मेरा पापी मिनख सुभाव म कोईबी चोखी चिज को बास कोनी। भलाई करबा की इंछ्या तो मेरै मांयनै ह पण भलाई का काम मेरूँ कोनी होवै।

रोमीयो 7:18 Referans Kwoze

यहून्ना 3:6

मिनख मिनखनै जलम दे सकै ह, पण बा पबितर आत्मा ह जिकै जरिए बो आत्मिक रूप म जलमै ह।

गलातियो 5:17

क्युं क काया की बुरी इंछ्या पबितर आत्मा क खिलाप मो राखै अर पबितर आत्मा काया की बुरी इंछ्या क खिलाप मो राखै ह। अर अ दोन्युई एक दुसरा क खिलाप म हीं। जणाई तो थे जोक्यु करबो चाओ हो बो कोनी कर सको।

रोमीयो 7:25

आपणा परबु ईसु मसी क जरिए म परमेसर को धनेवाद करूं हूँ। क्युं क इ मिनख सुभाव की काया म तो म पाप की सेवा करूं हूँ पण मेरी बुदीऊँ परमेसर का नेम-कायदा की सेवा करूं हूँ।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

रोमीयो 7:19

क्युं क जखा चोखा काम म करबो चाऊँ हूँ बे म कोनी करूं पण जखा बुरा काम म कोनी करबो चाऊँ बेई कर्या करूं हूँ।

रोमीयो 7:15

मनै कोनी बेरो म काँई करूं हूँ क्युं क म जखो करबो चाऊँ हूँ बो कोनी करूं पण म बो करूं हूँ जिऊँ मनै नफरत ह।

मत्ती 15:19

क्युं क हियाऊँ बुरा बिचार, हत्या, रंडीबाजी, कुकरम, चोरी, झूठी गुवाई अर बुराई निकळै ह।

1 पतरस 4:2

इको ओ मतबल ह क थे थारा बचेड़ा जीवन भर थारी इंछ्यानै नइ पण जखो परमेसर चावै ह बिनै मानस्यो।

फलिपी 3:12

म ओ दावो कोनी करूं क म सक्यु पूरो कर करालिओ अर सगळो सिद होगो। पण म बि इनामनै जीतबा ताँई कड़ी मेनत करर्यो हूँ, जिताँई मसी ईसु मनै पेल्याऊँ खुद ताँई जीत लिआ ह।

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।