रोमीयो 6:9 - जीवन को च्यानणो (सेकावाटी नया नियम की पोथ्या)

⁹ आपा जाणा हां क मसी जिनै मरेड़ा मऊँ जीवायो गयो हो बो ओज्यु कोनी मरै। इब बिपै मोत को जोर कदैई कोनी चालै।

रोमीयो 6:9 Referans Kwoze

रोमीयो 6:14

थार प पाप को राज कोनी हो सकै क्युं क थे नेम-कायदा क साराऊँ कोनी जीओ पण परमेसर की दया क साराऊँ जीओ हो।

दरसाव 1:18

म बोई हूँ जिकनै जीवन ह। म पेली मरगो हो पण इब सदा-सदा ताँई जिंदो हूँ, मोत अर पताळ की ताळ्या मेरै कनै ह।

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

रोमीयो 5:14

पण आदमऊँ लेर मूसा का टेमताई मोत सगळा प राज करती री। मोत बापै बी ही जखा आदम की जंय्यां को पाप कोनी कर्या। आदम आबाळा जंय्यां कोई हो।

इबरानीआ 7:16

जखो मिनखा का आदेसा क आधार प नइ पण जीवन देबाळी सक्‍ति क आधार प बण्यो जखी कदैई नास कोनी होवै।

रोमीयो 6:4

जणा बिकी मोत को बतिस्मो लेबाऊँ आपा बी बिकै सागैई गाड्या गया हा, अर जंय्यां परम-पिता की मेमा भरी सक्‍ति क जरिए मसीनै मरेड़ा मऊँ जीवायो गयो हो बंय्यांई आपा बी एक नयो जीवन जीवां।

रोमीयो 6:10

बो पाप ताँई एकई बर मरमरागो पण जखी जिंदगी बो जीर्यो ह बा जीवता परमेसर की ह।