रोमीयो 6:5 - जीवन को च्यानणो (सेकावाटी नया नियम की पोथ्या)

⁵ ज आपा बिकीसी मोत म बिकै सागै एक होगा हां, जणा बिका ओज्यु जी उठबा म बी बिकै सागै एक होज्यास्यां।

रोमीयो 6:5 Referans Kwoze

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

2 कुरन्थीयो 4:10

क्युं क म्हें सदाई इ बातनै ध्यान म राखां हां क ईसुनै मिनख मार्या। जणा बिका समचार को हेलो पाड़बा ताँई जद म्हें हांडा हां जणा मिनख म्हानै बी मार सकीं हीं इकै पाछै बी म्हें डरां कोनी पण मरबानै त्यार हां। जिऊँ क ईसु को जीवन बी म्हारी काया म खुला रूप म दिखै।

कलुसीयो 3:1

मसी मरेड़ा मऊँ ओज्यु जीवायो गयो इ बजेऊँ थे आत्मा म जीवाया गया हो। इ ताँई थे ईस्बर नगरी हाळी चिजानै टोल्यो। जठै मसी परमेसर का दायणै हात कानि बिका सिंघासन प बिराजर्यो ह।

मत्ती 15:13

जणा ईसु बोल्यो, “जि बोजानै मेरो ईस्बर नगरी परम-पिता कोनी लगायो बो उपाड़्यो ज्यासी।

यहून्ना 12:24

म थारूँ सची बोलर्यो हूँ, ग्युं को दाणो जद ताँई माटी म नइ पड़ै अर नइ मरै, बो एकलोई रेह्‍वै ह। पण मर्या पाछै बो बोळो फळै ह।