रोमीयो 6:3 - जीवन को च्यानणो (सेकावाटी नया नियम की पोथ्या)

³ थे कोनी जाणो के, आपा जखा मसी ईसु म बतिस्मो लिआ हा, बिकी मोत कोई तो बतिस्मो लिआ हा।

रोमीयो 6:3 Referans Kwoze

गलातियो 3:27

अर थार मऊँ जत्ता बी मसी म बतिस्मो लिआ हो बे मसीनै गाबा की जंय्यां पेर लिआ हीं।

रोमीयो 6:8

अर जंय्यां आपा मसी क सागै मर्या हा, जणा आपणो बिस्वास ह क आपा बिकैई सागै जिस्यां।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

1 पतरस 3:21

अर बा पाणी की बाढ बतिस्मा की जंय्यां ही, बतिस्मो जखो थारो छुटकारो करै ह पण इ बतिस्मा को मतबल काया का मेलनै धोबो कोनी पण अन्तर-आत्मानै सुद कर खुदनै परमेसर कानि मोड़बो ह। क्युं क ईसु मसी मरेड़ा मऊँ ओज्यु जीवायो गयो ह।

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

1 कुरन्थीयो 9:13

के थे ओ जाणो कोनी जखा मिनख मनदर म काम करै ह बे मनदरऊँई पेट भरै ह। अर जखो मनदर की बेदी प चढावो चढावीं हीं बे बि चढावा म पाँतीवाळ ह?

रोमीयो 7:1

मेरा लाडला बिस्वास्यो, थे जाणोई हो, म बानै बोलुँ हूँ जखा नेम-कायदानै जाणी हीं, नेम-कायदा कोई मिनख प बिकै जीताजीई राज करै ह।

रोमीयो 6:16

के थे ओ कोनी जाणो क, थे कोई क हाता म खुदनै दास की जंय्यां सूपो हो जणा थे बिको कह्यो मानबा ताँई बिका गुलाम हो। जणा पाछै चाए थे मरबा ताँई पाप का दास बणो नहिस कह्यो करबाळा बणो जखो थानै धारमिक्‍ता कानि लेज्यासी।

भेजेड़ा चेला का काम 19:5

आ सुणर बे परबु ईसु का नामऊँ बतिस्मो लिओ।

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

भेजेड़ा चेला का काम 8:16

क्युं क हाल ताँई बे परबु ईसु का नामऊँ बतिस्मोई लिआ हा, बामैऊँ कोईसानैई परमेसर को आत्मा कोनी मिल्यो हो।

2 कुरन्थीयो 13:5

खुदनै बिचासो अर देखो क, थे बिस्वास म खरा हो क कोनी। ज थे हो जणा थानै बेरो पड़सी क मसी थारै म जीवै ह। ज ईसु मसी थारै म कोनी जीवै जणा इको मतबल ह क थे नाकाम होगा।

1 कुरन्थीयो 15:29

ज आ बात सच ह क मरेड़ा मऊँ जि उठबो कोनी ह जणा बाको काँई होसी जखानै मरेड़ा ताँई बतिस्मो दिओ जावै ह? ज मरेड़ा मऊँ जि उठबो कोनी जणा बा कूणसी आस ह जि ताँई अंय्यां कर्यो जावै ह।

1 कुरन्थीयो 3:16

थे जाणो कोनी के थे परमेसर का मनदर हो अर परमेसर की पबितर आत्मा थारै म रेह्‍वै ह?

1 कुरन्थीयो 6:19

अर थे ओ कोनी जणो के थारी काया पबितर आत्मा को मनदर ह आ आत्मा थारै मांयनै रेह्‍वै ह जिनै परमेसर थानै दिओ ह। थे खुदका कोनी हो, पण परमेसर का हो।

1 कुरन्थीयो 9:24

के थे ओ कोनी जाणो दोड़ म तो सगळाई दोड़ीं हीं, पण इनाम तो एकनैई मिलै ह? अर थे बि अंय्यां दोड़ो की जीत सको।

1 कुरन्थीयो 10:2

बा सगळानै बादळ क तळै अर समदर क मांयनै मूसा की मानबाळा क रूप म बतिस्मो दिओ गयो हो।