रोमीयो 6:2 - जीवन को च्यानणो (सेकावाटी नया नियम की पोथ्या)

² कदैई नइ, आपा जखा पाप ताँई मरगा हां, पाप म कंय्यां जिस्यां?

रोमीयो 6:2 Referans Kwoze

1 यहून्ना 3:9

जखोबी परमेसर को बेटो बणगो ह बो पाप करतो कोनी रेह्‍वै। क्युं क बिकै मांयनै मसी बास करै ह अर बो परमेसर को बेटो ह इ ताँई बो पाप करतो कोनी रेह्‍वै।

रोमीयो 7:4

जणा मेरा लाडला बिस्वास्यो सुणो, मसी की काया क जरिए नेम-कायदा ताँई थे बी मरेड़ा हो। जणा इब थे बी ओराऊँ नातो राख सको हो, बिऊँ जिनै मरेड़ा मऊँ ओज्यु जीवायो गयो जिऊँ आपा परमेसर ताँई फळां-फुलां।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

गलातियो 2:19

क्युं क म नेम-कायदा की बजेऊँ नेम-कायदा ताँई मरग्यो जिऊँ परमेसर ताँई जिऊँ। म मसी क सागै सुळी प चढायो गयो हूँ,

रोमीयो 7:6

पण इब आपानै नेम-कायदाऊँ छुटकारो दे दिओ गयो ह जिकै बंदण म आपा बंदर्या हा अर आपा बि नेम-कायदा ताँई मरलिआ। जिऊँ बि पुराणा मंडेड़ा नेम-कायदाऊँ नइ पण पबितर आत्मा की नएड़ी रीत गेल सेवा करां।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।

रोमीयो 5:11

ओई नइ, पण इब परबु ईसु मसी क जरिए जिकी बजेऊँ आपणो मेळमिलाप परमेसरऊँ होयो ह, परमेसर म गुमान करां हां।

लूका 20:16

बो आर बा ठेकेदारानै मार अँगूरा को बाग दुसरानै समाळबा ताँई दे देसी।” आ बात सुण बे बोल्या, “अंय्यां कदैई नइ हो।”

रोमीयो 6:15

आपा नेम-कायदा क साराऊँ कोनी जीवां, पण परमेसर की दया म जीवां हां। जणा आपा काँई करां? के आपा पाप करां? नइ, कदैई नइ।