रोमीयो 6:12 - जीवन को च्यानणो (सेकावाटी नया नियम की पोथ्या)

¹² इ ताँई थारी नसबर काया प पाप को जोर मना चालबा द्‍यो। जिऊँ थे पाप की इंछ्या प कदैई नइ चाल सको।

रोमीयो 6:12 Referans Kwoze

गलातियो 5:16

म थारूँ खेऊँ हूँ, ज थे पबितर आत्मा क कह्या गेल भेवार करस्यो, जणा काया की बुरी इंछ्यानै बस म राखस्यो।

रोमीयो 6:16

के थे ओ कोनी जाणो क, थे कोई क हाता म खुदनै दास की जंय्यां सूपो हो जणा थे बिको कह्यो मानबा ताँई बिका गुलाम हो। जणा पाछै चाए थे मरबा ताँई पाप का दास बणो नहिस कह्यो करबाळा बणो जखो थानै धारमिक्‍ता कानि लेज्यासी।

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

2 कुरन्थीयो 4:11

ईसु की बजेऊँई म्हें जखा जीवता हां मोत क हाता म सूप्या जावां जिऊँ ईसु को जीवन नास होबाळी काया म खुला रूपऊँ सामै आवै।

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

यहूदा 1:18

बे थानै खया हा क, “आखरी दिना म अंय्यां का मिनख बी आसी जखा परबु अर बिका मिनखा को तमासो बणासी, परमेसरनै नइ मानबाळा बे मिनख आपकी बुरी इंछ्या गेल मन मरजी करसी।”

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 थिसलूनिकी 4:5

बस थारी काया की भूख मिटाबा ताँई थे ब्या मना करो जंय्यां परमेसरनै नइ ध्यारबाळा मिनख करीं हीं।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

रोमीयो 8:11

अर ज बो पबितर आत्मा जखो मसी ईसुनै मरेड़ा मऊँ जीवायो हो, थारै मांयनै बास करै ह जणा बो, जखो मसी ईसुनै मरेड़ा मऊँ ओज्यु जीवायो हो थारी नसबर कायानै आपकी पबितर आत्माऊँ जखी थारै मांयनै बास करै ह ओज्यु जीवासी।

रोमीयो 6:14

थार प पाप को राज कोनी हो सकै क्युं क थे नेम-कायदा क साराऊँ कोनी जीओ पण परमेसर की दया क साराऊँ जीओ हो।

रोमीयो 5:21

जिऊँ जंय्यां मोत की बजेऊँ पाप राज कर्यो ठिक बंय्यांई आपणा परबु ईसु मसी क जरिए अजर-अमर जीवन ल्याबा ताँई परमेसर की दया धरमऊँ राज करै।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।

2 कुरन्थीयो 5:4

आपा इ काया म होतासोता बोज क तळै दबर तड़पर्या हां, इकी बजे आ ह क आपा खुदकी कायानै बदलबो कोनी चावां पण इ काया म ईस्बर नगरी को जीवन जिबो चावां हां, जिऊँ मरबाळो जीवन अजर-अमर जीवन होज्यावै।