रोमीयो 5:3 - जीवन को च्यानणो (सेकावाटी नया नियम की पोथ्या)

³ खाली ओई नइ, म्हें तो म्हारा दुख म बी गुमान करां हां क्युं क म्हें जाणा हां क दुख थ्यावसनै जलम देवै ह।

रोमीयो 5:3 Referans Kwoze

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

1 पतरस 3:14

अर ज थे भलाई करबा बेई दुख भोगो हो, जणा थे भागहाळा हो। इ ताँई बाऊँ डरबो छोड द्‍यो अर इकी बी चिंत्या मना करो क मिनख काँई कर सकै ह।

2 कुरन्थीयो 4:17

अर ओ स्यातेक को कळेस आपणा ताँई जुग-जुग की मेमा लेर आसी जिकै सामै ओ स्यातेक को कळेस क्युंई कोनी।

लूका 21:19

थे पक्का रेहज्यो जिऊँ थे खुदनै बचास्यो।

इफिसुस 3:13

जणाई म थारूँ हात जो'ड़र खेऊँ हूँ क, थे हिमत मना हारो क्युं क म थारै ताँई जेळ म दुख उठार्यो हूँ, अर अ सगळी बाता थारै भला ताँई ह।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

फलिपी 1:29

क्युं क मसी प बिस्वास करबा को सोभागई नइ पण बि ताँई दुख उठाबा को बी सोभाग थानै दियड़ो ह;

रोमीयो 5:11

ओई नइ, पण इब परबु ईसु मसी क जरिए जिकी बजेऊँ आपणो मेळमिलाप परमेसरऊँ होयो ह, परमेसर म गुमान करां हां।

रोमीयो 8:23

आ सरस्टिई नइ पण आपा बी जानै पबितर आत्मा को पेलो फळ मिल्यो हो, मांय-मांय घुटता रिह्या हां। क्युं क आपा इ बातनै उडिकर्या हां क बो आपानै आपकी ओलाद की जंय्यां अपणावै अर काया को छुटकारो होज्यावै।

रोमीयो 9:10

ओई नइ, जद रिबका क बी आपणा बडका इसाकऊँ फळ पड़्यो,

2 कुरन्थीयो 8:19

म्हारै सागै जार दान भेळो करबा ताँई बिस्वासी मंडळ्या इ भाईड़ानै टाळी ह। अर ओ सेवा को काम म्हें ओरा क आडै आबा अर परमेसर की मेमा ताँई करां हां।