रोमीयो 5:15 - जीवन को च्यानणो (सेकावाटी नया नियम की पोथ्या)

¹⁵ पण दोन्यु इकसार कोनी क्युं क परमेसर को सितमित को बरदान आदम का पाप की जंय्यां को कोनी। आ बात सची ह क एक मिनख आदम का पाप की बजेऊँ बोळा मिनखा प मोत आई। पण परमेसर की दया इऊँ बोळी म्हान ह अर एक मिनख ईसु मसी की दया क जरिए बिको सितमित को बरदान बोळा मिनखा ताँई खूब ह।

रोमीयो 5:15 Referans Kwoze

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

इफिसुस 2:8

क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

रोमीयो 5:12

जंय्यां एक मिनख आदम क जरिए धरती प पाप अर पापऊँ मोत आई। बंय्यांई सगळा मिनख पाप कर्या अर सगळा प मोत आई।

1 यहून्ना 5:11

परमेसर बिकी गुवाई आ खेर दिनी क बो आपानै अजर-अमर जीवन दिओ ह , अर ओ जीवन बिका बेटाऊँ आवै ह।

2 कुरन्थीयो 9:15

बि बरदान ताँई परमेसर को धनेवाद जिको बखान कोनी कर्यो जा सकै।

1 यहून्ना 2:2

बो आपणो मेळमिलाप परमेसरऊँ कराबा ताँई खुदनै एक बलिदान क रूप म दे दिओ। बो आपणा सगळा पाप धोवै ह , बो आपणाई नइ पण सगळा जगत का मिनखा का पाप धोवै ह।

इबरानीआ 2:9

पण आपा ईसुनै जखो ईस्बर नगरी दुताऊँ चिनोसोई कम बणायो गयो हो, इब बिनै मेमा अर मान को मुकट पेर्या देखां हां, क्युं क बो मोत की पिड़ा भोगी ह। जिऊँ क बो परमेसर की दयाऊँ सगळा मिनखा ताँई मोत भोगै।

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

मत्ती 26:28

क्युं क इ कचोळा की अँगूरी मेरा लोय को नयो करार ह। ओ लोय बोळा मिनखानै पापऊँ माफ करबा ताँई बहायो ज्यासी।

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

भेजेड़ा चेला का काम 15:11

म्हें ओ बिस्वास करां हां क परमेसर की दयाऊँ म्हें बी बचा लिआ गया हां जंय्यां क बे बचा लिआ गया हीं।”

2 कुरन्थीयो 5:14

क्युं क मसी को परेम म्हानै बसमै राखै ह; अर म्हें समजगा क ज एक मिनख आपणा सगळा ताँई मर्यो जणा आपा सगळा बी मरगा।