रोमीयो 4:2 - जीवन को च्यानणो (सेकावाटी नया नियम की पोथ्या)

² क्युं क ज अब्राहमनै बिका कामा की बजेऊँ धरमी गिण्यो जातो, जणा आतो बि ताँई गुमान करबा की बात ही, पण परमेसर क सामै नइ।

रोमीयो 4:2 Referans Kwoze

1 कुरन्थीयो 1:31

जंय्यां की पबितर सास्तर म मंडेड़ो ह: “ज कोई मिनख गुमान करबो चावै बो परबु क बारां म गुमान करै।”

2 कुरन्थीयो 11:30

ज मनै गुमान करबोई ह जणा म मेरी कमजोरी पई करस्युं।

फलिपी 3:9

अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

1 कुरन्थीयो 9:16

इ ताँई ज म चोखो समचार सुणाऊँ हूँ जणा इमै मनै गुमान करबा की जुर्त कोनी क्युं क ओ तो मेरो फरज ह। अर ज म चोखा समचार कोनी सुणाऊँ जणा आ बात मेरै ताँई बोळी बुरी ह।

1 कुरन्थीयो 1:29

जिऊँ कोईबी मिनख परमेसर क सामै गुमान कोनी कर सकै।

2 कुरन्थीयो 5:12

जणा बी म्हें थारै सामै खुदकी बडाई कोनी कर्या। पण थानै एक मोको देवां हां क थे म्हारै प गुमान कर सको। अर जखो मिनख आपकी हिया की बातानै छोडर दिखावटी बाता प गुमान करै ह बानै थे जुबाब दे सको।

रोमीयो 15:17

इ ताँई मसी ईसु की बजेऊँ परमेसर की सेवा करबा म, मनै गुमान ह।

2 कुरन्थीयो 11:12

इ ताँई जोक्यु म करूं हूँ बिनै करतो रेहस्युं, जिऊँ जखा खुदनै थारा भेजेड़ा खास चेला बतावीं हीं बानै म्हारी जंय्यां बाका काम प गुमान करबा को मोको नइ मिलै जखी बात ताँई बे गुमान करीं हीं।

1 कुरन्थीयो 4:7

थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?