रोमीयो 4:18 - जीवन को च्यानणो (सेकावाटी नया नियम की पोथ्या)

¹⁸ जठै आस करबा की गुंजाईस कोनी बठै आपका मन म आस लेर अब्राहम बिपै बिस्वास कर्यो, आई बजे ही क बो कह्या गेल बोळा कूणबा को बाप बण्यो जंय्यां पबितर सास्तर म मंडर्यो ह, “तेरै बोळी ओलाद होसी जखी गिणी कोनी जासी।”

रोमीयो 4:18 Referans Kwoze

रोमीयो 8:24

क्युं क आपा इ आस मई बचाया गया हां। ज आस पूरी होज्यावै जणा आस कठै री? क्युं क पूरी होईड़ी बाता की आस कोई कोनी करै।

रोमीयो 5:5

अर आ आस आपणो निरादर कोनी होबा दे, क्युं क पबितर आत्मा क जरिए जखी आपानै दि गई ह परमेसर को परेम आपणा हिया म उंदकायो गयो ह।

भेजेड़ा चेला का काम 27:25

जणा इब थे सगळा हिमत राखो क्युं क म परमेसर प बिस्वास करूं हूँ, अर मेरूँ जंय्यां बोल्यो गयो ह ठिक बंय्यांई होसी।

रोमीयो 4:17

जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

लूका 1:18

जणा जकरयाह ह जखो बि ईस्बर नगरी दुतऊँ खयो, “आ बात म कंय्यां मानू? क्युं क म तो बूडो-ठेरो हूँ अर मेरी लूगाई बी बूडी-ठेरी होगी।”

रोमीयो 4:19

बो चोखी तर्या जाणतो हो क बिकी काया सो बरस की बूडी मरियलसी होगी अर सारा बांझ ह, इकै बावजुद बी बिस्वास म बिना हाल्या

इबरानीआ 6:19

आपणी आ आस बि निम का भाठा की जंय्यां ह जखी आपणा हियानै थाम्यो राखै जिऊँ आपणो बिस्वास नइ हालै। अर आपणी आस की बजेऊँई आपा अंय्यां का हां मानो आपा परमेसर की बि झघा म बड़गा जिमै खाली म्हायाजकई बड़ सकै ह जखी परदाऊँ ढकेड़ी ही।