रोमीयो 4:17 - जीवन को च्यानणो (सेकावाटी नया नियम की पोथ्या)

¹⁷ जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

रोमीयो 4:17 Referans Kwoze

1 कुरन्थीयो 1:28

अर इ दुनिया की सोचनै मिटाबा ताँई परमेसर इ दुनिया म छोटा अर निचा देख्या जाबाळानै जानै क्युंई कोनी समज्यो जावै टाळ्यो।

यहून्ना 5:21

जंय्यां परम-पिता मरेड़ानै जीवावै ह, बंय्यांई बेटो बी जिनै चावै बिनै जीवन देवै ह।

1 पतरस 2:10

“एक टेम बो बी हो जद थे क्युंई कोनी हा। पण इब थे परमेसर का मिनख हो। अर एक बो टेम बी हो जद कोई थार प दया कोनी करतो हो। पण इब परमेसर थार प दया दिखाई ह।”

यहून्ना 6:63

परमेसर की आत्मा तो जीवन देवै ह, पण मिनख की ताकत ख्याई काम की कोनी। जखी बात म थारूँ खई ह, बे परमेसर की आत्माऊँ ह अर जीवन देवै ह।

रोमीयो 8:11

अर ज बो पबितर आत्मा जखो मसी ईसुनै मरेड़ा मऊँ जीवायो हो, थारै मांयनै बास करै ह जणा बो, जखो मसी ईसुनै मरेड़ा मऊँ ओज्यु जीवायो हो थारी नसबर कायानै आपकी पबितर आत्माऊँ जखी थारै मांयनै बास करै ह ओज्यु जीवासी।

यहून्ना 5:25

म थारूँ सची बोलुँ हूँ, बो टेम आर्यो ह, आर्यो के ह बो टेम आगो, जद मरेड़ा परमेसर का बेटा की उवाज सुणसी अर जखा बी बिकी सुणसी बे जिज्यासी।

इबरानीआ 11:12

अर अंय्यांई एक मिनख अब्राहमऊँ जखो मरियलसो हो, आसमान का तारा अर समदर की बाळू की जंय्यां अणमेदा की ओलाद होई।

रोमीयो 3:29

के परमेसर खाली यहूदि मिनखा कोई ह? के गैर-यहूदि मिनखा को परमेसर कोनी? नइ, परमेसर गैर-यहूदि मिनखा को बी ह,

2 पतरस 3:8

पण मेरा लाडलो, थे इ बातनै मना भूलज्यो, क परबु की नजर्या म एक दिन झार बरस जंय्यां अर झार बरस एक दिन की जंय्यां ह।

इबरानीआ 11:7

बिस्वास करबा की बजेऊँई नूह बा बातानै जखी बि टेम का कोनी दिखरी ही। बानै परमेसर का डर क सागै चितावनी मानर आपका परवारनै बचाबा ताँई झाज बणायो हो, अंय्यां कर बो जगतनै दोसी गिण्यो अर बि धारमिक्‍ता को पाँतीवाळ होयो जखी बिस्वास करबाऊँ आवै ह।

1 तिमूतियूस 6:13

सगळानै जीवन देबाळा परमेसर क सामै अर मसी ईसु जखो पीळातुस क सामै हिमत क सागै आपका बिस्वासनै दिखायो बिमै, म तनै आदेस देऊँ हूँ,

रोमीयो 9:26

“अर, जि झघा म खेयड़ो हो, “थे मेरी परजा कोनी हो। बठैई थे जीवता परमेसर की ओलाद खुवास्यो।”

1 कुरन्थीयो 15:45

क्युं क पबितर सास्तर म मंडर्यो ह क “पेलो मिनख आदम जिनै एक जिंदा पराणी क रूप रच्यो गयो” पण आखरी मिनख मसी जीवन देबाळी आत्मा ह।

रोमीयो 4:2

क्युं क ज अब्राहमनै बिका कामा की बजेऊँ धरमी गिण्यो जातो, जणा आतो बि ताँई गुमान करबा की बात ही, पण परमेसर क सामै नइ।

भेजेड़ा चेला का काम 15:18

परबु बोलै ह क, म अ बाता बोळी पेल्याऊँई बता दिनी ही।’”

मत्ती 3:9

अर थे थारा हिया म अंय्यां मना सोचो क म्हारो बाप अब्राहम ह इ ताँई परमेसर म्हानै कोनी दंडसी; क्युं क म थारूँ बोलुँ हूँ क परमेसर आ भाठाऊँ बी अब्राहम ताँई टाबर पैदा कर सकै ह।

रोमीयो 4:18

जठै आस करबा की गुंजाईस कोनी बठै आपका मन म आस लेर अब्राहम बिपै बिस्वास कर्यो, आई बजे ही क बो कह्या गेल बोळा कूणबा को बाप बण्यो जंय्यां पबितर सास्तर म मंडर्यो ह, “तेरै बोळी ओलाद होसी जखी गिणी कोनी जासी।”

रोमीयो 9:11

अर जोड़ला टाबरा क जलमऊँ पेल्या अर बाकै क्युं बी भलो-बुरो करबाऊँ पेल्या परमेसर रिबकाऊँ बोल्यो, “बडोड़ो छोटक्या की सेवा करसी।” परमेसर अंय्यां इ ताँई बोल्यो जिऊँ परमेसर क टाळबा को मकसद पूरो होवै जखो बा दोन्या क करमा गेल कोनी हो, पण इ बात प हो क परमेसर किनै बुलाबा की ध्यारमाली हीं।

इबरानीआ 11:3

बिस्वासऊँई आपा आ जाणा हां क परमेसर का बोल बोलबाऊँ इ सरस्टि की रचना होई। इ ताँई जखो दिखै ह, बो दिखबाळी चिजाऊँ कोनी बण्यो।