रोमीयो 4:16 - जीवन को च्यानणो (सेकावाटी नया नियम की पोथ्या)

¹⁶ जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

रोमीयो 4:16 Referans Kwoze

इफिसुस 2:8

क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

रोमीयो 9:8

इको मतबल ओ ह क, परमेसर काया रूप म अब्राहम की पिडीऊँ जलमेड़ानै आपकी ओलाद कर कोनी गिणै पण बानैई गिणै जखा बिकै करार गेल जलम लिआ जानै अब्राहम की ओलाद मान्यो जावै ह।

तितूस 3:7

दयाऊँई आपा परमेसर क सामै सई हां अर अजर-अमर जीवन का वारिस होवां जिकी आपा आस राखां हां।

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

रोमीयो 15:8

म थानै बताऊँ हूँ क बडकाऊँ करेड़ा परमेसर का करार का सचनै, सचो साबित करबा ताँई मसी परमेसर की सचाई गेल यहूदि मिनखा को दास बण्यो।

रोमीयो 5:1

आपा बिस्वास की बजेऊँ धरमी होगा हां, इ ताँई परबु ईसु मसी क जरिए आपणो मेळमिलाप परमेसरऊँ ह।

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

रोमीयो 4:11

इकै पाछै धारमिक्‍ता की छाप क रूप म एक सेलाण की जंय्यां बो सुन्नत करवाई। ओ बिस्वास बो जद दरसायो हो जि टेम का बिकी सुन्नत कोनी होई ही। जणा बो बा सगळा को बाप ह जखा बिना सुन्नतहाळा हीं पण बिस्वास करीं हीं। जिऊँ गैर-यहूदि बी धरमी गिण्या जावै।

लूका 19:9

अत्ती सुणर ईसु बिनै बोल्यो, “इ कूणबा म आज छुटकारो आगो ह क्युं क ओ बिस्वास कर दिखा दिओ की ओ अब्राहम की ओलाद ह।

रोमीयो 3:22

सगळा बिस्वास्या ताँई ईसु मसी प बिस्वास करबा क जरिए बिना कोई भेद कर्या परमेसर कानिऊँ मिलबाळी धारमिक्‍ता परगट करी गई ह।

रोमीयो 3:30

क्युं क खाली एकई परमेसर ह जखो यहूदि मिनखा का बिस्वास क जरिए बानै धरमी बणावै ह अर बि बिस्वास क जरिए बो गैर-यहूदि मिनखानै बी धरमी बणावै ह।

गलातियो 3:14

मसी ईसु आपानै इ ताँई छुटायो ह क अब्राहमनै दियड़ो आसिरबाद गैर-यहूदि मिनखानै मिल सकै, जिऊँ आपानै बिस्वास करबा की बजेऊँ पबितर आत्मा मिल सकै जिको करार करेड़ो ह।

गलातियो 3:16

अंय्यांई परमेसर अब्राहमऊँ अर बिका वंसऊँ करार कर्यो, परमेसर अंय्यां कोनी बोल्यो क, “म तेरा वंसजाऊँ करार करूं हूँ” वंसजा को मतबल तो बोळा होवै पण बो “वंस” बोल्यो अर आ बात एक मिनखनै दिखावै अर बो मसी ह।