रोमीयो 4:15 - जीवन को च्यानणो (सेकावाटी नया नियम की पोथ्या)

¹⁵ क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

रोमीयो 4:15 Referans Kwoze

रोमीयो 5:13

नेम-कायदा का नियमा क आबाऊँ पेली धरती प पाप हो, पण जठै नेम-कायदा कोनी बठै पाप की गिणती बी कोनी होवै।

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

1 कुरन्थीयो 15:56

आपा मरा हां क्युं क आपा पाप करां हां, अर आपणै कनै नेम-कायदो ह जिकी बजै आपा जाणा हां क पाप करां हां।

गलातियो 3:19

जणा नेम-कायदा की कठै जुर्त री? आ तो पाछै दि गई जिऊँ आपानै बेरो चालै क आपा पाप करां हां, बि एक वंसज क आबा ताँई जिकै बारां म करार कर्यो गयो हो। अर नेम-कायदा तो ईस्बर नगरी दुता की बजेऊँ मूसानै दिआ गया हा, अर बो मिनखानै दिओ। अर मूसा अंय्यां एक बिचोलिओ होयो।

यहून्ना 3:36

जखो मिनख परमेसर का बेटा प बिस्वास करै, बिनै अजर-अमर जीवन मिलसी। पण जखो बिकी कोनी मानै, बि ताँई जीवन कोनी अर बो परमेसर की झाळ भोगसी।”

1 यहून्ना 3:4

पण जखो बी मिनख पाप करै ह, बो परमेसर का हुकमानै कोनी मानै अर परमेसर का हुकमानै नइ मानबोई पाप ह।

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

यहून्ना 15:22

ज म नइ आयो होतो अर बाका पाप क बारां म नइ बतायो होतो जणा बापै कोई बात को दोस कोनी लागतो पण इब बाकन इऊँ बचबा को क्युंई भानो कोनी।

कलुसीयो 3:6

जखा आ कामानै करीं हीं बापै परमेसर को परकोप पड़ै ह।

रोमीयो 1:17

क्युं क चोखो समचार परमेसर की धारमिक्‍तानै बतावै, आ धारमिक्‍ता सरूआतऊँ लेर आखीर ताँई बिस्वास प टिकरी ह जंय्यां क पबितर सास्तर म मंडर्यो ह, “धरमी मिनख बिस्वासऊँ जिसी।”

दरसाव 19:15

पाप्यानै मारबा ताँई बिकै मुंडाऊँ एक पेनी तलवार बारनै निकळरी ही। “बो लौ का लठ का जोर प बापै राज करसी।” सऊँ सक्‍तिसाली परमेसर, जखो बाका पाप की बजेऊँ बुर्यां झाळ्या भर्यो ह बि ताँई बो बानै अंय्यां पिससी जंय्यां अँगूरानै रसकूंड म पिस्योज्यावै ह।