अर म सगळो को सगळो बिको होज्याऊँ। म खुदकी धारमिक्ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।
जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।