रोमीयो 4:12 - जीवन को च्यानणो (सेकावाटी नया नियम की पोथ्या)

¹² जखो बिस्वास अब्राहम आपकी सुन्नत होबाऊँ पेली कर्यो, ज सुन्नतहाळा सुन्नत की सेलाण क सागै बंय्यां को बिस्वास बी करै जणा बो बाको बी बाप ह।

रोमीयो 4:12 Referans Kwoze

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

2 कुरन्थीयो 12:18

म तितूसऊँ जाबा ताँई हाता जोड़ी करी अर बिकै सागै बिस्वासी भाईड़ानै भेज्यो हो। जणा के थे खे सको हो क, तितूस थारो फाईदो उठायो? नइ! क्युं क म्हारै कनै एकई आत्मा ह, जखी म्हारै म एक जंय्यांई काम करै ह।

मत्ती 3:9

अर थे थारा हिया म अंय्यां मना सोचो क म्हारो बाप अब्राहम ह इ ताँई परमेसर म्हानै कोनी दंडसी; क्युं क म थारूँ बोलुँ हूँ क परमेसर आ भाठाऊँ बी अब्राहम ताँई टाबर पैदा कर सकै ह।

रोमीयो 4:11

इकै पाछै धारमिक्‍ता की छाप क रूप म एक सेलाण की जंय्यां बो सुन्नत करवाई। ओ बिस्वास बो जद दरसायो हो जि टेम का बिकी सुन्नत कोनी होई ही। जणा बो बा सगळा को बाप ह जखा बिना सुन्नतहाळा हीं पण बिस्वास करीं हीं। जिऊँ गैर-यहूदि बी धरमी गिण्या जावै।

रोमीयो 4:13

अब्राहम अर बिकी ओलादानै ओ करार क बे जगत का वारिस होसी, नेम-कायदाऊँ कोनी मिल्या पण बि धारमिक्‍ताऊँ मिल्या जखी बिस्वास की बजेऊँ आई ही।