रोमीयो 3:9 - जीवन को च्यानणो (सेकावाटी नया नियम की पोथ्या)

⁹ जणा काँई बात ह? आपा यहूदि गैर-यहूदि मिनखाऊँ चोखा हां के? नइ, क्याका चोखा हां। जंय्यां क म्हें पेलीई बोल दिआ हा क यहूदि अर यूनानी दोन्युई पाप क बस म हां।

रोमीयो 3:9 Referans Kwoze

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

रोमीयो 6:15

आपा नेम-कायदा क साराऊँ कोनी जीवां, पण परमेसर की दया म जीवां हां। जणा आपा काँई करां? के आपा पाप करां? नइ, कदैई नइ।

रोमीयो 11:32

क्युं क परमेसर सगळा मिनखानै कह्यो नइ मानबा की केद म इ ताँई गेर राख्यो ह क बो बापै दया करै।

रोमीयो 3:19

आपा जाणा हां क नेम-कायदा म मंडेड़ो बि ताँई ह जखो बिकै बस म ह। जिऊँ हरेक मुंडानै बंद कर्यो जा सकै अर सगळा को सगळो जगत परमेसर का दंड को भागी होवै।

फलिपी 1:18

मेरै इऊँ क्युंई फरक कोनी पड़ै। चाए बुरी मनस्याऊँ अर चाए भली मनस्याऊँ आ सगळी तर्याऊँ मसी कोई परचार होयो ह अर आ बाताऊँ म राजी हूँ अर राजीई रेहस्युं।

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

1 कुरन्थीयो 14:15

जणा काँई करबो चाए? म आत्माऊँ तो अरदास करस्युंई पण बिकै सागै बुदीऊँ बी अरदास करस्युं। आत्माऊँ तो भजन गास्युं बिकै सागै बुदीऊँ बी गास्युं।

1 कुरन्थीयो 10:19

अर मेरो इ बातनै खेबा को काँई मतबल ह की मूरती प चढाईड़ो क्युं ह अर मूरती क्युं ह?

1 कुरन्थीयो 4:7

थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?

रोमीयो 11:7

जणा इऊँ काँई? इजरायल का मिनखानै बो कोनी मिल्यो जिनै बे टोवै हा, पण बो टाळेड़ानै मिलगो। जदकी बाक्या का मनानै काठो कर दिओ गयो।

रोमीयो 3:5

पण ज आपणा बुरा करम परमेसर की धारमिक्‍तानै ओरबी साप तरिकाऊँ परगट करै अर बा ताँई बो आपानै सजा देवै जणा के आपा आ बोल सकां हां क परमेसर आपानै सजा देर आपणै सागै अन्याय करर्यो ह? अंय्यां म एक मिनख होबा क नातै बोलर्यो हूँ।

रोमीयो 1:18

परमेसर की झाळ ईस्बर नगरीऊँ मिनखा का हरेक पाप अर बुराई क खिलाप परगट होवै ह, जखा बुराईऊँ सचनै दबावै ह।

लूका 7:39

आ देखर ईसुनै मिजमानी घालबाळो फरिसी आपका हिया म बिचार्यो, “ज ओ परमेसर की खेबाळो होतो जणा जाण ज्यातो क आकै हात अड़ाबाळी आ कूण ह? अर कंय्यांकी ह? ओ जाणज्यातो क आ पापण ह।”

रोमीयो 2:1

थे जखा दुसरा को न्याय करो हो थारै कनै कोई भानो कोनी क्युं क थे दुसरा की जखी बाता को न्याय करो हो बा बाता म खुदई दोसी हो। जखी बाता को थे न्याय करो हो बे बाता थे खुदई करो हो।

रोमीयो 3:1

जणा यहूदि होबा को काँई फाईदो अर सुन्नत को काँई मोल?

रोमीयो 7:14

क्युं क आपा जाणा हां क नेम-कायदा आत्मिक ह पण म हाड-मास को मिनख हूँ जखो पाप की गुलामी ताँई बिकेड़ो हूँ।